ياوليفي كان عادك فالهوى راعي طويله
لا تعودني على فرقاك وعيوني تخايل
القضى مافيه حيله والقدر مافيه حيله
وش أسوي والوصل مرفوض في سلوم القبايل
العرب يدرون بالمكتوم والفرصه .. قليله
سكروا كل الدروب وقطعو كل الوسايل
و قفّوا لي كلهم من دون نقّاض الجديله
الهنوف اللي غلاها فالصدر صايل و جايل
شبه ريمٍ ذيّروه أهل القنص و أخلى مقيله
راتعٍ وسط العريق و ذيّروه أهل القلايل
و العيون عيون حرٍ يذبح الصيده فصيله
أقطمٍ لا عرّضوه المقفيه سوّا الهوايل
دام ذا وصله عليّ مرفوق ما دوّر بديله
وله علي ألدّ عيني من عفيفات الحمايل
