السلام عليكم ورحمة الله وبركاته
يعطيكم العافية جميعا..
بنعرف انه اللي صار إرهاق جدددا فيزيا بيوم ونص.. لكن إن شاء الله الكل استدرك الوضع
نصائح سريعة لامتحان اليوم :
أولا.. اوعك ثم اوعك ثم اوعك تروح مش نايم
ثانيا.. اوعك اوعك اوعك تروح مش ماكل اشي.. حبة موز.. شوكلاطه.. اي اشي.. ما تثقل لانه في ناس بتستفرغ مع التوتر..
ثالثًا.. حتى لو قصرت بدك تقنع حالك إنك أنت عملت اللي بتقدر عليه.. وأولا واخيرا كله ع رب العالمين مجرد توكيل أمرك إله بيعطيك السكينة والطمأنينة..
رابعًا.. وقف كل دراستك ع الساعة 8 ونص وادعي" اللهم إني استودعتك ما درست وما قرأت وما حفظت وما وعيت فرده إلي وقت حاجتي إليه" .. وقف كل اشي دراسة إلا ملخصات القوانين مسموح.. عال8 ونص بتجيبوا قنينة مي وبتقرؤوا عليها آية الكرسي والفاتحة ووائل البقرة والمعوذات 3 مرات وبتخلوها معكم للشرب حتى داخل القاعة
خامسًا.. بتصلوا عال9 ركعتين ضحى وبتدعوا فيهم عادي وبتدعوا بعدهم..
سادسًا.. البس ملابس مريحة لك في الامتحان.. لا تقعد تزبط حالك بالأواعي عشان المقابلة.. البس اشي واسع ويفضل قطن مش نايلون حتى يمتص العرق
توجه للامتحان بهدوء وسكينة حتى لو مش خاتم..
وصلنا القاعة.. بنفوت.. بندعي "ربَّ أدخلني مدخل صدق و أخرجني مخرج صدق واجعل لي من لدنك سلطانًا نصيرًا"
وبعدها أدعية الامتحان بس نقعد ع الدرج.. رب اشرح لي صدري و..... الخ
استلمنا الورقة وهون بننقسم لقسمين..
طالب جد متمكن فل فل من المادة.. هاد يبلش بالترتيب ما يحاول يعكس لانه ح يتخربط .. ح يصير كل ما يشوف سؤال قبل النواة يصير بده يحله.. ف حل ع الترتيب من 1 ل50
وطالب مش متمكن ولو من وحدة وحدة يروح ع طول يبلش في الكم من دائرة 36 تقريبا.. واذا مش متمكن منها يبدأ في النواة من دائرة 42 تقريبا...بعدها ببلش من البداية
بالنسبة للوقت كافي وزياااااادة ما ح تلتحقوا بالمررررة
أنصح بالتركيز على أسئلة المتغيرات "اللي ما يكون فيها أرقام " والتجارب.. والمادة المقالية راجعوها من الباوربانك.. وأخيييرا يشدد ع موضوع البندول القذفي لانه حاسس ح ييجي فتزكروا فقوانينه
في الختام لا يسعني إلا أن أقول : الله يوفقكم ويجبر بخاطركم بما يسركم ويدهشكم وزيادة
محبكم المشرف عمر ممثلًا عن تيم المعلم دودين لليالي الامتحان
والسلام عليكم ورحمة الله وبركاته
162
8
7
3
2July 8, 2025 6.3K 15
