ဒီလိုတွေ ပြောနေပြီဆိုရင်တော့ သင်က Creative Agency ကဆိုတာ သေချာပါပြီ။
“ဒီနေ့ Pitch Deck အပြီးပြင်တာ ခေါင်းကိုမူးနောက်သွားတာပဲ။” “June Content Calendar ကို Client Sign off လိုက်ပြီနော်။ Visual တွေစလို့ရပြီ။” “Copywriter ဆီက Headline လေး တောင်းပေးပါဦး။”
ဒီနေ့မှာတော့ Advertising Creative Agency နဲ့ သိပ်မရင်းနှီးတဲ့သူတွေအတွက် Agency မှာသုံးတဲ့ Terms အချို့ကို ပြောပြပေးပါမယ်။
Deck: Deck ဆိုတာကတော့ Presentation တွေကို ခေါ်တာပါ။ Deck ပေါင်းစုံရှိနိုင်ပြီး Account ပိုင်းမှာလုပ်တဲ့သူတွေဆိုရင်တော့ တစ်နေ့ တစ်နေ့ မဆုံးနိုင်တဲ့ Deck တွေကို ပြင်နေရမှာ သေချာပါတယ်။ Brief Deck, Pitch Deck, Report Deck, Content Calendar Dect, etc.
Spec Sheet: Design တွေ လုပ်တဲ့အခါ ဆိုဒ်ချိုးဖို့အတွက် ပြင်ဆင်ရမဲ့ Size တွေကို အသေးစိတ်ထည့်ထားတဲ့ Excel or Google Sheet ပါ။ Digital Ad ဆိုရင်လဲ Ad ပေါင်းစုံရဲ့ ဆိုဒ်ပေါင်းစုံအပြင် Billboard, Banner, Shelf–talker, etc Printing အတွက် လိုအပ်တဲ့ ဆိုဒ်ပေါင်းစုံကိုလဲ ဒီ Sheet ထဲမှာ ထည့်ပြီး Creative တွေ၊ Production တွေနဲ့ Share လေ့ရှိပါတယ်။
Tagline or Headline: ဒါကတော့ Social Media Conent တွေအလုပ်များလာတဲ့အတွက် သိပ်မစိမ်းလောက်ဘူး ထင်ပါတယ်။ ကြော်ငြာတွေရဲ့ ပုံမှာထည့်မဲ့ စာကိုပြောတာပါ။
Copy: ကော်ပီဆိုတာ ကြော်ငြာစာပါ။
Visual: ဒါကတော့ ပုံ ပါ။ Dynamic အလှုပ်၊ Static အငြိမ် မျိုးစုံရှိနိုင်ပါတယ်။
Pitch: ဒါကတော့ Project တွေလိုက်တဲ့အခါ ကိုယ့် Agency ကို အခြား Agency တွေနဲ့အပြိုင် Client ကရွေးချယ်အောင် ဝင်ပြိုင်ရတာပါ။ Pitching လုပ်ဖို့အတွက် Pitch Deck က အရေးပါပါတယ်။ အဲ့ထဲမှာ Agency ရဲ့ Portfolio လဲ ပါဝင်နိုင်ပြီး သက်ဆိုင်ရာ ကမ်ပိန်း ဒါမှမဟုတ် အလုပ်အတွက်ကို ကိုယ်တွေမှာ ဘယ်လိုလက်တွေ့ကျပြီး အမိုက်စားဖြစ်နေတဲ့ အိုင်ဒီယာတွေ ရှိလဲဆိုတာ ထည့်ပြရပါတယ်။ ကိုယ့်အဖွဲ့ရဲ့ လုပ်နိုင်စွမ်းကိုလဲ ဒီကနေပဲ ပြသရတာဖြစ်ပါတယ်။
Sign off or Confirmed/Approved: ဒီအသုံးအနှုန်းလေးကတော့ ကိုယ့် အိုင်ဒီယာ၊ Concept၊ Design နဲ့ Copy တွေကို သဘောတူလက်ခံပြီး နောက်တစ်ဆင့်ဆက်လုပ်ဖို့ မီးစိမ်းပြလိုက်ရင် သုံးပါတယ်။ Internal Sign off, Client Sign off အသီးသီးရှိပါတယ်။
အခြား ကိုယ့် Agency မှာ သုံးနေတဲ့ ထူးထူးခြားခြားအသုံးအနှုန်းလေးတွေရှိရင်လဲ မျှဝေပေးသွားပါဦး။ Reivse လုပ်နေတယ်လို့တော့ မပြောနဲ့နော်။
#Donato
