550
قصيده نوحيه للفاقدات الضنه
🩵🩵🩵🩵🩵🩵🩵🩵
شحالها التفكد ضناها شحالها
نهار والليل الهظم يبرالها
ماتهيد عليه تون
لشوف المدلل تحن
فراكه تاليها صبح جتالها
🩵🩵🩵🩵🩵🩵🩵🩵
شحالها الفكدت ضناها ماتهيد
دموعها بخدها والحصره تزيد
الموت تتمنا وياه وتريد
مكابله بس الصور
كليبها والله نكسر
لفركته حيل نمرد دلالها
🩵🩵🩵🩵🩵🩵🩵🩵
يعينها الله اليوم الولده
بالتراب الحار منعدها نفكد
شوفت الغالي حصره للابد
حيلها راكد نحل
خاب منجيته الامل
الزمن خيب ترا امالها
🩵🩵🩵🩵🩵🩵🩵🩵
العمر كله تخلصه بالونين
الفراك كاتلها وماذيها الحنين
احاه يالوعت كلبها والسنين
مادروا بيها تون
كليبها الهم يحن
تشوفهم صوره طبعت بخيالها
🩵🩵🩵🩵🩵🩵🩵🩵
جرح فركاهم جمره ماطفت
تلتهلب حدر الظلوع اووجرت
البين عذبها وحيل تلوعت
رمله جاسم دفتنه
وليلى الاكبر فكدته
تريد ويه الولد تلفي اجالها
🩵🩵🩵🩵🩵🩵🩵🩵
تموت وياهم وشلها بالعمر
ثكال ايام التمرها بالقهر
ماتنام الليل تكضيه بالسهر
الزمن حارمها النوم
تحسب الساعه بيوم
بالجنازه يصير أهو شيالها
🩵🩵🩵🩵🩵🩵🩵🩵
خادمة الزهراء عليها السلام ام مصطفى الموسوي ثواب العمل مهداة إلى مقام صاحب العصر والزمان عجل الله فرجه الشريف والى روح والديه وروح ابني المرحوم مصطفى كريم الفضلي
https://t.me/dewne