🤍اعادة نشر لبوست مهم 🤍
💠 الارواء أو ال Irrigation protocol
حنحكوا ع الاريقيشن بطريقة basic جداً حسب اساسيات الاندو.
الاريقيشن او الارواء
نقدرو نقسموه لمرحلتين:
✔️أولا: irrigation during biomechanical preparation
الارواء خلال تحضير القنوات
• يبدا الاريقيشن قبل ما يبدا تحضير القنوات من اول ما نفتحو الاكسس كاڤيتي و قبل ما ندخلو اي فايل نديرو اريقيشن ضروري. ليش؟ عشان الـ NaOCl مش بس حيعقم وحيشيل اي debris اول دم فنقدرو نشوفو اكثر، بس ايضاً هو يشتغل ك lubricant يعني حيسهل للفايل انه ينزل فالقناة.
هل حنحتاجوا اي مادة اخرى للاريقيشن غير ال Naocl 2.25% ؟!
لا مش محتاجين الصوديوم يكفي و يغطي كل القولد ستاندرد للاريقيشن خلال التحضير.
• تمام، الاريقيشن حيستمر معانا طوال وقت تحضير القنوات بمعدل ان بعد كل فايل ادير good irrigation
يعني تقريبا 2-3 ml.
محتاجين اريقيشن طوال التحضير بكمية 20ml.
• الاريقيشن مهم جدا بنفس اهمية الفايلات اذا ماكانش اهم.
تمام وصلنا للفايل الاخير اللي قررنا انه الحجم المناسب لتحضير القناة.
✔️ ثانيا: الارواء الاخير او الفاينل اريقيشن
💠اللي حيكون بالترتيب هذا:
1. اولا 2.25% 5ml NaOCl وندير activition بالطريقة اللي تناسبني لمدة 60sec، بعدين نغسلو بسالين.
2. ثانيا EDTA 5ml 17%، نديرو activition لمدة 60sec، وبعدها بنغسلو القنوات بسالين.
معلش لازم انبه انه المستخدم هنا محلول الاديتا و ليس جل .
الغرض منه تنظيف المواد الغير عضوية و الsmear layer وفتح الdentinal tubules .
3. ثالتا بنعاودو ال5ml 2.25% NaOCl مرة اخرى activition ونخلوه فالقناه.
عاودنا الصوديوم حتى انظف البقايا العضوية و البكتيريا اللي كانت تحت الsmear layer و داخل ال dentinal tubules .
• ولو السن necrotic او حالة retreat يفضل نستخدمو clorhexedine 2% بكمية 5ml، بس لازم نغسلو بسالاين قبل.
المرة هذي حنزلوه فالقنوات و مش حنديرو activition.
الـ CHX ما يندارلاش اكتيڤيشن لانه يفقد فعاليته لما يسخن من حركة الاكتيفيشن، ومانغسلوش بسالاين عشان نحتفظوا بأثرة على الدنتين ونستفيدو من خاصية الـ substantivity يعني استمرارية خاصية المضاد البكتيري .
📍توا نجو لاختيار سايز القتا:
• دايما يكون بعد الفاينال اريقيشن ليش؟! لانه متاكدين ان القنوات نظيفة تماما من اي بقايا او smear layer.
• بعد اخترنا القتا و قبل الابتيوريشن، محتاجين نعقمو القتا. عندنا خيارين للتعقيم: صوديوم او كلورهيكسيدين.
• انا نفضل حسب شن استعملت في الاريقيشن الاخير يعني لما اخترت القتابيرشا القنوات شن كان فيهم؟! لو كان فيهم صوديوم يبدا نعقموها بصوديوم، ولو كان كلورهيكسيدين يبدا نقعمو بي CHX، عشان نطلع من موضوع انهم يتخلطو ولا اللون يتغير .
• التعقيم يكون لمدة 60sec
في صوديوم 2.25% او CHX 2%.
بعدها نغسلوها بسالين و نجففوها ع gauze.
📍توا بنردو للسن
• لو استعملنا اخر شي صوديوم هيبوكلوريت، فالافضل دائما نغسلو بسالين قبل الاوبتيوريشن.
• لو CHX مافيش داعي للغسل، ننتقلو للمرحلة اللي بعدها وهي التجفيف.
• عشان نختصرو ونجففوا بسرعه، ممكن نستعملو micro suction يركب ع السكشن يخلينا نشفطوا السوائل من القنوات و انقصوا من عدد البيبر بوينتس الي حنحتاجوها.
• لو مش متوفر مش مشكله، نجففوها بالمتوفر و هكي
كل شي جاهز للاوبتيوريشن 🤍
اللي عنده اي ملاحظة او سؤال او اضافة ما يترددش في كتابتها
🌸
حبيت نوضح بس انه هذا البروتوكول المتبع في مدرستي ممكن يكون في تفاصيل تختلف من مدرسة لاخرى …
17 ديسمبر 2025 160
