الإنسان في بداية حياته بيبقي مستعجل كلّ حاجة، وعايز يشوف النتيجة بسرعة؛ لكن مع الأيام، بيعرف إن الحياة بتعلّمه درس الصبر مرة بعد مرة
تمرّ عليه مواقف تكسر قلبه، ويصبر، وبعدها يلاقي عِوض ربّنا يهوّن عليه كلّ اللي فات، فيوقن إن الصبر عمره ما كان خسارة، وإن بعد كلّ ضيق فرج، وبعد كلّ تعب جبر
وبعدين تيجي ابتلاءات جديدة، فيكتشف إن الصبر مش موقف واحد، لكنه عبادة بيعيش بيها كلّ يوم!
يصبر وهو مش فاهم الحكمة، ويصبر وهو واثق إن ربّنا أرحم بيه من نفسه، وإن تدبيره كلّه خير، حتى لو خفي عنه السبب
الصبر مش معناه إن الوجع مش موجود، لكنه إنك تكمّل طريقك، وقلبك معلّق بربّنا، وراضي بقضائه، ومستني فرجه بيقين
فاللهم ارزقنا صبرًا جميلًا، وثبّت قلوبنا عند البلاء، وبشّرنا بما بشّرت به الصابرين، واجعل العِوض ينسينا كلّ ما أثقل قلوبنا.
1July 25, 2026 83
