لسان حال السيده زينب ع
الباك المحبس امن ايده .. تجر بي
الخيل معصبه بجسمة .. تجر بي
اسمعه يگلي ياخيتي .. تجربي
وشوفيني اشكثر شابع اذيه
////////////////////////////
لسان حال السيده زينب ع
أجيت من الخيم أركض ... لاضل عن
أخوي .. وشوفتي الجسمه .. لاضل عين
الحافر لا ضلع دايس .. لاضلعين
كل ضلوعه ساحگهن سويه
////////////////////////////
لسان حال السيدة زينب
إجاك الگلب ياخويه ..وجه ادماي
وروحي من الركض تعبت .. وجد ماي
دعيت الله إلك أوصل .. وجد ماي
وشربك بلكي تكعد خويه ليه
///////////////////////////
لسان حال السيدة زينب ع
ابخيال ارسم جروح حسين .. وشطاب
جرحني وجرحي اكولن طاب .. وش طاب
ابگلب حسين ما تدرون .. وش طاب ؟
سهم مثلث وحافر سويه
///////////////////////////
لسان حال السيدة زينب ع
يمته من الدمع تنشف .. يردني
هذه الشام شو محد .. يردني (يريدني)
عسى الجتال لحسيني .. يردني
وضل يمه لحد وكت المنيه
///////////////////////////
أللهم عجل لوليك الفرج
عباس الأسدي
June 25, 2026 1.4K 26
