ابوذيات للمولى المقدس اشـتـفـيـد ايـامـنـه انـكـرر بعدهه نـعــمــه… — نعي فقط حسيني

نعي فقط حسيني@cxgfghi · 1.5K subscribers Open in TelegramOpen

ابوذيات
للمولى المقدس

اشـتـفـيـد ايـامـنـه انـكـرر   بعدهه
نـعــمــه والــوكـت عــنــه   بعدهه
لـچـمـتـك يـاصـدر بـيـنـه    بعدهه

وجـرحـك يـنـزف الـيـوم الـمـنـيـه

*-----------------------*---------------------*

الـمـكـارم غيـر شـخـصـك   مايسدهه
الفتح عـيـنـه اعـلـه حبـك مايسدهه
يــمــحــمـــد فـــرگــتـــك   مايسدهه

فـقـط معصوم لـو تـبـقـه الـقـضـيـه

*-----------------------*---------------------*

بـحـكــام الـشــرع دومــه   يـمـرنـه
وعـلـيـه لـلـمـوت ما يـبـرد   يـمـرنـه
بـعـد هـيهـات بـالـكـوفــه    يـمـرنه

وصار اسـنـيـن مـنـتظـريـن جـيّـه

*-----------------------*-----------------------*

اشـكـم لايـم حِـچـه اعـلـيـنـه ولمنه
وحِـزنّـه اعـلـيــه ضـل خـالــد ولمنه
راح الــــچــان يــــــرعــانـــه   ولمنه

بصلاة الـجـمـعـه لـيـث الاعـلـمـيـه

*-----------------------*---------------------*

✍الشاعر
رعد الجريخي
نسألكم الدعاء

t.me/cxgfghi/255 Translate