صباح الخيرر ✨
قبل كل شي خلي بالك ويايا لأن الحياة أحيانًا تقدم لك دروسها بأغرب الطرق واكثر الأحيانا تجي فترا ما ندرك الأمور ونسئل ليش وتضل انت بحيره ما تدري إذا تضحك أو تتعلم من المواقف لي تصير بحياتنا وفعلا اجت فتره بحياتي صار عندي قلق وخوف وعدم إدراك بين المستقبل والحاضر ودراسه ومعدل واكيد كلنا نمر بهذا شي وبعدين يصير عدم تقبل الامور ونكول لو صار هذا شي واتمنه يصير وليش ما صار واحنا هاي الأشياء هوايه نسويها بحياتنا لدرجه ننسى النعم لي حولينا وتدرون برغم من هذا كلامي لو واتمنه جنت اعرف لي داسوي غلط وما يصير اكول هيج وجنت اكول ممكن الاشياء لي اتمنه تصير تكون سبب لضياعي !!
هاي قبل 🥲!
أما هسة فاني من حوالي شهر 10 ب2025 تعلمت شي وممكن احلى شي تعلمته وصار ايام من بدت سنه اريد احجي بي واريد يكون من اول مواضيع لبدايه سنه ولي هو التقبل اني تقبلت الامور مثل ما هيه ! والتقبل بالنسبة إلي صار نعمة جبيرة لأنه علمني أشوف الخير بكلشي حتى بالشي اللي ما صار أو اللي خاب ظني بيها بالبداية وتعلمت شي لي ما يصير مثل ما نريد ونضوج علية وننقهر بس بلاخير نكتشف إنه هذا كان الخير اللي الله مخبيه النه !
مرة صادفت جملة كلش عميقة تقول
“اللي يتركون كلشي بيد الله بالنهاية يشوفون يد الله بكلشي ✨•
هالكلمات شكد حلوة وتخلي النفس ترضى بكلشي يصير وشكد ما خططنا فأكيد فأكيد إذا خير راح يكون النا واحنا علينا هو نسعى ونسلّم امورنا بيد رب العالمين واكيد الله ما راح يخذلك ولا يتركك ولا يتخلى عنك بالعكس يعطيك بالوقت المناسب ويمنع بحكمة وكلشي يصير لمصلحتك ✨!
بلاخير حابه اكلكم اكثر شي يفرحني هو شعوري إني سويت اللي عليّه ونجحت بتحدياتي هذا شعور ما يوصف راح اضل أحس بالفخر ✨•
وان شاءالله سنه 2026 تكون حلوه ومليانة إنجازات الله يوفقكم 🙆🏻♀️•
