☀️🍃 Ытыктабыллаах киэҥ Ньурба улууһун олохтоохторо, ыҥырыылаах ыалдьыттарбыт, бар дьонум! Эһигини Үрүҥ Тунах Ыһыаҕынан эҕэрдэлиибин!
Бүгүн Аар айыыларбыт сиргэ саамай чугаһаан турар кэмнэригэр, Айыыларга сүгүрүйэр, айгыр-силик айылҕабытын кытта алтыһар норуоппут өйө-санаата түмүллэр, үс кута бөҕөргүүр ытык-мааны күнэ.
Ыһыах ил-эйэ, доҕордоһуу туонатынан, түмсүү түһүлгэтинэн буолар, омук быһыытынан тирэхпитин, инникигэ эрэлбитин кэрэһилиир, онон бу алгыс ылынар, арчыланар күммүтүгэр бука бары Айыыларбытыгар сүгүрүйэбит.
Билигин дойду үрдүнэн олус уустук кэмҥэ олоробут. Анал байыаннай дьайыыга дойдубут чиэһин көмүскүү сылдьар уолаттарбытыгар көмөнү оҥоруу – сүрүн сорук быһыытынан турар. Кинилэргэ, кинилэр дьиэ кэргэттэригэр бары өттүнэн өйөбүл буолуу – барыбыт тулхадыйбат ытык иэспит. Бүгүн хас биирдиибитин түмэр, сомоҕолуур күммүт. Билиҥҥи кэмҥэ ити уһулуччу суолталаах - биир санаанан салайтаран инникибитин торумнуурбут хас биирдии киһи, кэлэр кэнчээри ыччаттарбыт уйгулаах олохторун түстүөҕэ.
Бу күн алгыспыт тыла тиийдин хорсун буойуттарбытыгар, саллааттарбытыгар. Ол туһугар сомоҕолоһуох, күүһү-уоҕу түмүөх тустаахпыт!
Күндү биир дойдулаахтарым, Ийэ айылҕабыт силигилээн ситэн, тупсан турар кэмигэр эһиэхэ хас биирдиигитигэр өҥ-быйаҥ олоҕу, чөл-чэгиэн туругу, этэҥҥэ буолууну эрэ баҕарабын. Инникитин да түмсүүлээх буолууну, быйаҥнаах сайыны, кэхтибэт күөх илгэни, эйэлээх халлааны!
”Ньурба оройуона” МО баһылыга А.М.Иннокентьев.
"Ньурба оройуона" МО депутаттарын Сүбэтин бэрэссэдээтэлэ Н.М.Михайлова
