🔥«ФАКЕЛ» - 2026 байыаннай-спортивнай оонньуу Ньурбаҕа үрдүк таһымҥа буолан ааста!
Ыам ыйын 19 күнүгэр, Ньурба оройуонугар үгэс буолбут "Факел" байыаннай-спортивнай оонньуу үрдүк тэрээһиннээхтик ыытылынна.
Быйылгы оонньууларга уопсайа 11 оскуола хас да араас көрүҥҥэ күүстэрин холоһон күрэхтэстилэр. Оҕолор бэйэлэрин сымсаларын, тулуурдарын уонна кыайыыга дьулуурдарын көрдөрдүлэр.
Күрэхтэһии уопсай түмүгүнэн миэстэлэр маннык буолла:
• III миэстэни П.С. Егоров аатынан Акана орто оскуолата ылла.
• II миэстэҕэ С.С. Сюльскай аатынан Сүлэ орто оскуолата таҕыста.
• I миэстэни А.Н. Чусовской аатынан Ньурбатааҕы техническэй лицей хамаандата ылан, кыайыыны ситистэ!
Эһиилги оонньууларга эһигини өссө күүскэ бэлэмнэнэн кэлэн, саҥа ситиһиилэри ситиһэргитигэр баҕарабыт! Көрсүөххэ дылы! 🔥
