Конституциялық Сот Қазақстан Республикасының «Адвокаттық қызмет және заң көмегі туралы» Заңының 25-бабының 3) тармақшасының Конституцияға сәйкестігін тексеру туралы өтінішті іс жүргізуге қабылдады.Өтініш иесі жекелеген азаматтарды нотариаттық әрекеттер жасағаны үшін ақы төлеуден босату жекеше нотариустардың тиісті сыйақысыз қызмет көрсетуіне алып келеді және олардың кәсіби қызметін жүзеге асыруы үшін тең емес жағдайлар туғызады деп есептейді. Өтініш иесінің пікірінше, мұндай міндет жекеше нотариустардың конституциялық құқықтарына, оның ішінде теңдікке, жеке бас бостандығы мен қадір-қасиетіне берілетін кепілдіктерге әсер етуі мүмкін.
Қарау нәтижелері туралы Конституциялық Соттың ресми сайтында және Telegram-арнасында хабарланатын болады.
