اغلى شركة في الصين
السنوات الأخيرة اللقب هذا كان دائما عند Tencent، اللي تملك WeChat وWeibo ومجموعة شركات تقنية محركات البحث و gaming و cloud. طبعا قبلها في 2020 لـ 2021، كانت Alibaba هي الأكبر. كلها مرتبطة بالتنقية والإنترنت.
بس في 13 أغسطس، ظهرت CXMT، شركة تصنيع للذواكر . تخيلوا لها 3 أسابيع بس في البورصة، وقبلها كانت مشروع حكومي تابع لمنطقة هيفاي، في الصين الشركات الاستراتيجية الكبيرة كثير منها موزّع على الأقاليم علشان كل المناطق تستفيد، منافسة شيوعية رأسمالية.
ولازم اوضح نقطة مهمة تجاهلتها كثير من وسائل الإعلام. أسهم CXMT ذاك اليوم أصلاً نزلت. بس بشكل بسيط. أما Tencent فنزلت بقوة، 4.5%، لأن المستثمرين ما عجبهم إن الشركة ضاعفت الإنفاق الرأسمالي على الـ AI. وبالنهاية قيمة CXMT تعدّت 524 مليار دولار، وTencent نزلت لـ 510 مليار. يعني اللي طلع على العرش هو الأقل خسارة، بس كذا.
وطبعا CXMT مش مجرد ترند فاضي. الذواكر هي عنق الزجاجة في سباق الـ AI كله. عمالقة الذواكر الثلاثة في العالم، Samsung وSK Hynix الكوريتين وMicron الأمريكية، في مايو بالضبط دخلوا كلهم دفعة وحدة نادي التريليون.
طبعا CXMT تخطط تحجز مكانها معاهم. الان باقي صغيرة شوي أكثر من 7% من سوق ذواكر الـ DRAM، بس بحلول 2030 يخططون يوصلون 30% على مستوى العالم. طبعاً حاليا سوقهم الاساسي داخل الصين. مثلاً عقد بأكثر من 7 مليار دولار مع ByteDance، وعقد بـ 3 مليار مع Tencent نفسها. مو بس كذا. مثلاً Apple تجرب الشرائح حقهم لـ iPhone وMacBook، لأن الثلاثة الكبار رموا كل ثقلهم على الـ HBM وأنواع الذاكرة الخاصة بالـ AI، والذاكرة العادية حق الجوالات واللابتوبات سحبوا فيها شوي.
طبعا الشركه للان مادخلت سوق ال HBM، هم مركزين على DRAM بس. ويوعدون يطلعون HBM نهاية السنة، بس المواعيد دايم تتحرك وتتأجل، لأن الصين ما عندها EUV lithography خاصة فيها (زي اللي عند ASML) للعمليات التصنيعية المتقدمة، فيصنعون الشرائح (ومنها شرائح الذاكرة) على DUV قديمة شوي. واللي مسؤولة عن تعويض الفجوة هذي شركة صينية ثانية اسمها SMEE، بس صعب يطلع منها شي قبل 2028 أو 2029. مع إنه مين يدري، هذولا صينيين.
في الربع الأول، CXMT حققت ربح لأول مرة: حوالي 5.2 مليار دولار مقابل خسارة السنة اللي قبلها، والإيرادات زادت 8 مرات تقريباً. CXMT تأسست في 2016. وتطلع للربح خلال 10 سنوات في مشروع زي كذا، تكاليفه الرأسمالية جبارة بطبيعتها، يعتبر شيء حلو.
وفيه نقطة ثانية مهمه. هذا الشتاء اعلنوا في كوريا القبض على مدير تنفيذي حالي في CXMT، موظف سابق في Samsung، وكانوا وظفوه مدير تطوير لـ DRAM بحجم 10 نانومتر. لانه رتب تسريب التقنية من زملائه السابقين: واحد منهم نسخ بخط يده 600 مرحلة من العملية التصنيعية في 12 دفتر، عشان يتجاوز الحماية الرقمية ضد التسريبات تخيلوا. وفيه احتمال إن هذا السبب اللي خلّى CXMT أول شركة في الصين تنتج DRAM بـ 10 نانومتر بكميات كبيرة في 2023. ويمكن هذا يفسر كيف خلال 10 سنوات بس طلعوا للربح 😅
7
5August 19, 2026 2.4K 1 3
