آتدین عشقیمیزی اویدون اغیارا
قَلبی داش بیر ظالیم بالاسی اُولدون
ناکام سِئوگیمیزَه کونول وِئرمَه دین
اوزگَه نین کونلونو آلاسی اُولدون
اَل چَکدین اِی گوزَل شاه ،اورَییمدَن
گاه سَندَن اینجیدیم گاه اورَییمدَن
قالدیردین گویلَره آه اورَییمدَن
حسرَتین ییخیلماز قالاسی اُولدون
عشقینین چیچَه یی قَلبیمدَه سُولماز
بیر کیمسَه کونلومدَه یِئرینی آلماز
دِئدیم ویصال اِئدَک،دِئدین کی اُولماز
آیریلیق سازینی چالاسی اُولدون
بال قایماق دیل دُوداق،شیرین سوزونلَه
روحومو آپاردین آی قیز اُوزونلَه
اُو سوزگون باخیشیلا خومار گوزونلَه
جانیمی اُودلارا سالاسی اُولدون
سَنلَه اوتَن هفتَه گوزَل، آی گوزَل
گوزلَریمدَه یُوخدو سَنَه تای گوزَل
عومور بُویو خِئیرین اُولسون آی گوزل
پیمانین قلبیندَه قالاسی اُولدون
پیمان دژبانی گبلو✍️
۱۴۰۳/۰۸/۱۰
❤️ @chobanoghloo
════༻♥️༺═══
September 8, 2026 30
