چولده چیچک اولدوم چمنده ناخیش
بولوتدا اود اولدوم شیمشکده یاغیش
سیرلی بیر گؤز گؤردوم نورلو بیر ایشیق
چئوریلدیم چشمه یه قاریشدیم چایا
سنی سئومک اوچون گلدیم دونیایا
من مین ایل اوولده گله بیلردیم
مین ایلده ن سونرادا اؤله بیلردیم
زامانی باشقا جور حسابلییاردیم
واختی باشقا جور بؤله بیلردیم
دوشوب سن دوغولان هفته یه آیا
سنی سئومک اوچون گلدیم دونیایا
سسینی ائشیتدیم سندن سس آلدیم
شوورق گولوشوندن گوج هوس آلدیم
سن نفسیم اولدون من نفس آلدیم
موشدولوق وئردیلر گونشه آیا
سنی سئومک اوچون گلدیم دونیایا
نئچه دینسیزلری دینه گتیردیم
قورودوم سونبولی دنه گتیردیم
کؤنلومده نه وارسا سنه گتیردیم
منیم یوللاریمی کسه بیلمه دی
نه سرحد نه دمیر نه داش نه قایا
سنی سئومک اوچون گلدیم دونیایا
زليمخان يعقوب💥🪸💥🪸
❤️ @chobanoghloo
════༻♥️༺═══
September 8, 2026 19 1
