گلولي ضعنك راجع وجيت
أبجي وارتب بـويـه بالبيت
ميـة هـلا بـالغـايب وجـاي
گـوه اوصلت بـاب المديـنه
وناديت من شفت الضعينه
موذولي اهلنه ونوگهم هاي
ضلـيـت اصـد لـوجـوهـم خـوف
بيـهـم عـرف بـس مـوش أهـلنه
ضعن إعله طـوله مغطه بتـراب
مــن مـگـبـره هــل جــاي چـنـه
سـكتـه ولا مـنهـم طـلـع صـوت
ويـــا نــاگـه تـعـبـر بـيــهـا ونــه
أتعده الضعن بعيـوني
مو ذني نوگ اضعوني
انـه اهـلي كلها اعرفها
وليش اهما ما عرفوني
•••••••••••••••••••••••••••••••
ع النوگ کلها محدبه أشلون
وحمره العبي وچبود العيون
الضعن يمشي وأكبر اجروح
وأسمـع نعـي أيـ واحسينـاه
ناديت سكنه وجاوبت آآآآآه
وتـربعت ع الـگـاع بـالنـوح
ردت احجي گالت عوفي الشلون
مـــن گـبــره جـيـنــاج ابــتــرابــه
عندج حجي وعدنه السبي وشام
عـنــدج عـتـب عـدنــه الخــرابــه
جـيـنـاج مــن وگـفـات الـقـصــور
مــن بـــاب ســاعــاتــه وعـذابــه
شسـوه الـزمـن بحوالك
بالطـف هـظـم دلآلــــك
انــــت ذبــيـح اطفوفك
ورجعت سبايه اعيــالك
•••••••••••••••••••••••••••••••
مشتاگ يشكي بشوگه مشتاگ
مـغـيـرنـي ومـغـيـرهـن افـراگ
وبــاب دارك نـوخــت الـنـوگ
دخلتله عمتي وصار الونين
طبينه دارك وينك أحسين
وگلبي قهر وفراگ محروگ
اتلاگينه ملـگه الگلبه محـروم
مـن الـبـجي وطـحـنه ســويه
گـلـتلـهـا ذنـي الـيـبجن امنين
خــولـه يـهـي عـمـه وصـفـيـه
گـتــولي اهـلـج خـلّصوا موت
شــو مــا تــلاگـيــت بـ رُقـيـه
شحل بالضعن گليلي
مو عمه خلص حيلي
ماصد رضيع اوياكم
وين الرباب احجيلي
•••••••••••••••••••••••••••••••
كلجن دخلتن عمه بس هاي
بالشمس گعدت مـو بالفياي
وتلولي بس فارغ حضنهه
هاي أمي؟ جاعبدالله وينه
ها عـمـه..! بـس لا ذابـحينه
شذنبه وخذو سلوة متنهه
التـمـن نـواعـي بوسـطة الـدار
ا ون عـمتي مـا واحـد يحمـله
يحسين صاحت عفتك أشلون
ومــا جـاوريـتـك عـمـري كـلـه
يــا رفـچــة اخـوانـي عــوافـي
ويـــا فـــرگــة الـخــوان ذلـــه
تانيت بس لمتانه
ما رد اليه احضانه
وانه الصبر موتني
من روحته وهجرانه
•••••••••••••••••••••••••••••••
تشهد علّي عتبات الدروب
مـن الفـجر أگـعد للـغروب
وابجيك حد طلعانها الروح
أتراب ودمع صاير بالعيون
گدما وگفت بدرب الضعون
تالي الجفه يگلولي مذبوح
مـن ودعتني وگلبـي ملـجـوم
كسـرة رگبـتك صـوبي كسـره
مـن ملـت گلت بكربـله يطيح
ولخيـامـه ينـظـر هيـج نظـره
ويـتـحــزم الــذبــاح والـمــاي
وتـسـابـگـون الــذبــح نـحـره
من الزمتها اصفاحك
عرفته النهر ذباحك
وما ترجع اعله اعيوني
ويا ون يطيب اجراحك
محمد الربيعي
