Boyovut tumani maktabgacha va maktab ta'limi bo‘limi

 
1-sinf o‘quvchilariga “Prezident sovg‘alari”, “Birinchi qo’ng‘iroq” va “Kelajak soatlari”ga munosib tayyorgarlik ko’rish — navbatdagi “Vazir soati” bo‘lib o‘tdi

✅ Bugun Maktabgacha va maktab ta’limi vaziri E’zoza Karimova boshchiligida navbatdagi “Vazir soati” bo‘lib o‘tdi. Unda vazir o‘rinbosarlari, vazirlik va tizim tashkilotlari markaziy apparati xodimlari ishtirok etdi.

Yig‘ilish avvalida “Birinchi qo‘ng‘iroq” tadbirlarini o‘tkazish, 1-sinf o‘quvchilariga “Prezident sovg‘alari”ni topshirish masalalari haqida so‘z bordi.

📊 Ta’kidlash joizki, joriy yilda 795 ming nafardan ortiq o‘quvchilar 1-sinfga qabul qilinmoqda. Ularga 12 xil nomdagi o‘quv qurollaridan iborat “Prezident sovg‘alari” topshiriladi.

🔰 Shuningdek, yig‘ilish davomida o‘zbek tilini rivojlantirish va nufuzini oshirish bo‘yicha amalga oshirilgan ishlar va kelgusi rejalar to‘g‘risida so‘z bordi.

Bundan tashqari, vazirlik tizimidagi kutubxonalar faoliyati, ularning holati haqida mas’ullar axboroti tinglandi.

🌐 Yig‘ilish yakunida mas’ul rahbarlarga belgilangan vazifalar ijrosini qat’iy nazoratga olish va natijadorlik bo‘yicha muntazam hisobot berib borish topshirildi.



Bizni kuzating
Telegram Facebook
Youtube Instagram
Veb-sayt Linkedin