အမေရိကန်ပြည်ထောင်စုရဲ့ တကယ့်သမိုင်းဝင်ဖြစ်ရပ်တွေကို အခြေခံပြီး ရိုက်ကူးထားတဲ့ မှုခင်းနဲ့ သည်းထိတ်ရင်ဖို ဇာတ်ကားကောင်းတစ်ကား ဖြစ်ပါတယ်။ ၂၀၂၆ ခုနှစ် စက်တင်ဘာလ ၄ ရက်နေ့မှာ ရုံတင်ပြသခဲ့တဲ့ ကားလေးပါ။ ဇာတ်လမ်းကို ၁၉၆၀ ပြည့်လွန်နှစ်တွေက အမေရိကန်နိုင်ငံတောင်ပိုင်း၊ မစ္စစ္စပီပြည်နယ်မှာ အခြေတည်ထားပါတယ်။ အဲဒီအချိန်က တောင်ပိုင်းမှာ လူဖြူကြီးစိုးရေးဝါဒီ ကူကလပ်ကလန်အဖွဲ့တွေက လူမည်းတွေကို အကြမ်းဖက်သတ်ဖြတ်နေကြတဲ့ ကာလပေါ့။ ၁၉၆၄ ခုနှစ် နွေရာသီမှာ လူမည်းအခွင့်အရေးလှုပ်ရှားသူ ၃ ယောက် ပျောက်ဆုံးသွားတဲ့ ဖြစ်ရပ်ကနေ ဇာတ်လမ်းစတင်ပါတယ်။ ဒီအမှုကို စုံစမ်းဖို့ အက်ဖ်ဘီအိုင်က လူမည်းအေးဂျင့် ဝိန်းစတရိုက်ဒါ ကို တာဝန်ပေးလိုက်ပါတယ်။ ဒါပေမဲ့ ဒေသခံရဲတွေနဲ့ လူထုကပါ အကြောက်တရားကြောင့် ပူးပေါင်းပါဝင်ဖို့ ငြင်းဆန်နေကြပါတယ်။ တရားဥပဒေလမ်းကြောင်းအတိုင်း ဆောင်ရွက်ဖို့ ခက်ခဲလာတဲ့အဆုံး အက်ဖ်ဘီအိုင်က နယူးယောက်က နာမည်ကြီး မာဖီးယားလူသတ်သမား ဂရက်ဂ် စကားပါး ကို လျှို့ဝှက်ငှားရမ်းပြီး ဝိန်းစတရိုက်ဒါ နဲ့ တွဲဖက်ပေးလိုက်ပါတယ်။ ဇာတ်လမ်းထဲမှာ ဖော်ပြထားတဲ့အတိုင်း ဂရက်ဂ် စကားပါး ဟာ အက်ဖ်ဘီအိုင်ရဲ့ သတင်းပေးအဖြစ် လုပ်ကိုင်ခဲ့ပြီး ကူကလပ်ကလန်အဖွဲ့တွေကို နှိမ်နင်းရာမှာ လျှို့ဝှက်ပါဝင်ခဲ့သူအဖြစ် တင်ဆက်ထားပါတယ်။ ဝိန်းစတရိုက်ဒါ က ဥပဒေဘောင်အတွင်းကနေ စနစ်တကျ အလုပ်လုပ်ချင်ပေမဲ့ မာဖီးယားလူသတ်သမား ဂရက်ဂ် ကတော့ ကူကလပ်ကလန်အဖွဲ့ဝင်တွေကို ဖမ်းဆီးနှိပ်စက်ပြီး သတင်းရယူတဲ့ ကြမ်းတမ်းတဲ့နည်းလမ်းတွေကို အသုံးပြုလာပါတယ်။ ရေကုန်ရေခမ်း ဆိုတဲ့ ဇာတ်ကားခေါင်းစဉ်နဲ့အညီ တရားမျှတမှုကို ရှာဖွေရာမှာ ရတဲ့နည်းလမ်းမှန်သမျှကို အသုံးပြုသင့်သလားဆိုတဲ့ မေးခွန်းကို ဒီဇာတ်ကားက ထင်ဟပ်ပေါ်လွင်စွာ တင်ပြထားပါတယ်။ တရားဥပဒေမှာ ကန့်သတ်ချက်တွေ ရှိနေပေမဲ့ ဒီလူနှစ်ယောက်ရဲ့ လုပ်ဆောင်ပုံတွေမှာတော့ ကန့်သတ်ချက်မရှိသလို ဖြစ်နေတာကို ရင်ခုန်စရာ အက်ရှင်ခန်းတွေနဲ့ ကြည့်ရှုရမှာပါ။ သမိုင်းနောက်ခံအပြည့်နဲ့ လူမျိုးရေးခွဲခြားမှုတွေကို ထင်ဟပ်ဖော်ပြထားတဲ့ အက်ရှင်၊ မှုခင်းနဲ့ သည်းထိတ်ရင်ဖို ဇာတ်ကားမျိုးကို သဘောကျတယ်ဆိုရင်တော့ လက်မလွတ်တမ်း ကြည့်ရှုသင့်တဲ့ ဇာတ်ကားကောင်းလေးတစ်ကားအဖြစ် ညွှန်းပေးလိုက်ပါတယ်ဗျာ။
ချန်နယ်ဝင်ထားမှ ကြည့်လို့ရပါမယ်နော် ချန်နယ်လင့်
t.me/+l6iAujfRr3YwOTQ9ဇာတ်ကားလင့်
t.me/c/3723652775/681
