काहींना वाटत होतं की Blogging संपलं आहे, आणि त्यातही काहींना वाटत होतं की नितीननेही ब्लॉगिंग सोडलं असेल. पण भाऊ, इतक्या सहज मी कसं सोडणार? या क्षेत्राला मी माझ्या आयुष्यातली 10 वर्षं दिली आहेत.
आजही मी रोज काही ना काही नवीन शिकत असतो, स्वतःला अपडेट ठेवत असतो आणि माझं काम आणखी चांगलं कसं करता येईल, माझा Brand अजून मोठा कसा बनवता येईल याचाच विचार करत असतो.
एक काळ असा होता की माझ्या एका वेबसाइटवर महिन्याला 3 मिलियनपेक्षा जास्त ट्रॅफिक येत होतं. पण ती वेबसाइट बंद झाल्यानंतर खरंच असं वाटलं की आयुष्यात आता काहीच उरलं नाही. त्या डोमेनवर मी खूप मेहनत घेतली होती. फक्त ₹500 ला घेतलेल्या त्या डोमेनवर मी वर्षानुवर्षं काम केलं होतं. स्वतः Wikipedia कडूनही Organic Backlinks मिळाले होते. खूप मोठं काम उभं राहत होतं.
त्या डोमेनबद्दल फक्त 2–3 लोकांनाच माहिती होती. कारण मला माहिती होतं, लोकांना जर तो Domain किंवा Niche समजला तर लगेच त्याच प्रकारच्या वेबसाइट्स तयार करून तसाच कंटेंट टाकायला सुरुवात करतील. त्यामुळे मी कोणत्या Niche वर काम करत होतो, हेही मी कुणालाच सांगितलं नव्हतं. अनेक वर्षं मी शांतपणे, कोणताही गाजावाजा न करता काम करत राहिलो.
नंतर YouTube वर काही व्हिडिओ पाहिले आणि मनात एक विचार आला – आपलीही Face Value तयार झाली पाहिजे. म्हणून मी Instagram वर Blogging विषयी टिप्स देायला सुरुवात केली. त्या वेळी अनेक जण ₹30,000 चे कोर्स विकत होते, पण मी लोकांना तेच ज्ञान पूर्णपणे मोफत देत होतो. कारण त्या काळात Blogging मधून चांगली कमाई होत होती, त्यामुळे मला कधी कोर्स विकण्याची गरजच वाटली नाही.
मग आला मार्च 2023 चा Google Update… आणि एका क्षणात सगळं बदललं. माझ्या जवळपास सर्व वेबसाइट्सची ट्रॅफिक कोसळली. मी AI Content वापरत नव्हतो, तरीही माझी 3 मिलियन ट्रॅफिक थेट लाखांवर आली. ज्या गोष्टीच्या आधारावर मी आयुष्यातील इतर निर्णय घेत होतो, तीच गोष्ट अचानक हातातून निसटली.
तो काळ माझ्यासाठी खूप कठीण होता. प्रचंड तणावात होतो, पण कोणालाच काही सांगितलं नाही. आज मागे वळून पाहिलं की वाटतं, कदाचित त्या वेळी मन मोकळं केलं असतं तर बरं झालं असतं.
रागाच्या भरात मी त्या डोमेनचं Renewal केलं नाही. पण काही दिवसांनी जेव्हा तोच Domain परत घ्यायला गेलो, तेव्हा त्याची किंमत ₹3 लाख सांगितली गेली. त्या क्षणी जाणवलं की एक चुकीचा निर्णय किती महाग पडू शकतो.
पण मी हार मानणाऱ्यांपैकी नाही.
आज मी पुन्हा त्याच Brand ला मोठं करण्यासाठी नव्याने सुरुवात केली आहे. सध्या त्या वेबसाइटवर ट्रॅफिक कमी आहे, पण मला पूर्ण विश्वास आहे की येणाऱ्या काळात ती पुन्हा उभी राहील.
त्याचबरोबर मी दुसऱ्या Niche वरही काम करत आहे. Freelancing प्रोजेक्ट्सही सुरू आहेत. कारण आता मला समजलं आहे की एकाच उत्पन्नाच्या स्रोतावर अवलंबून राहणं कधीच योग्य नसतं. म्हणूनच आज माझ्याकडे एकापेक्षा जास्त कामं आहेत.
या Online प्रवासाने मला खूप काही शिकवलं. संघर्ष काय असतो, संयम काय असतो, अपयशातून पुन्हा उभं राहणं म्हणजे काय, हे सगळं या क्षेत्राने शिकवलं.
आणि सगळ्यात आनंदाची गोष्ट म्हणजे…
जे लोक एकेकाळी मला नावं ठेवायचे, "हे काही चालणार नाही" असं म्हणायचे, तेच आज Online क्षेत्रात काम करताना दिसतात. त्यांना यशस्वी होताना पाहून मला वाईट वाटत नाही, उलट खूप आनंद होतो.
कारण शेवटी ज्ञान वाटलं की वाढतं… आणि मेहनतीला पर्याय नसतो.
हा प्रवास अजून संपलेला नाही… खरं तर आता नव्याने सुरुवात झाली आहे. ❤️
16
2
1July 16, 2026 480
