،،،،،،،،،،
وجهتُ وجهي الغربتك ثوب الحزن لايگ ألي
ماعندي شي بي أستضل بس خدمتك يابو علي
حُبك كبـر گبل العمـر وعشگك دهـر مـا ينجلي
ربـاني مـجـلس مـأتمك يحسين اكـثـر من هـلي
كُبر عَضمي بخدمّتك هاي
وكُبرت بصايت الخدمه ..
عَجاف أسنيني منّ دونك
وعَطـائك مسّتظل رحمه ..
جـَـارف گلبـي لخيـامّـك
چبيـره اعـلـيّه هـالنـعـمه ..
يتوضه گلبي بدمعة غرامي
تملك شعوري وتملك هيامي
ياهـوه يرضه ابهاي المصيبه
حسين العزيز اعللهيمه دامي
========ـ
أستجدي جرحك للگلب من يبتعد جدمي يزل
أنقذني من درب الوهم وياك خل أمشي عدل
وآذان حزنك لو صدح كــون الــعـزيتك أمتثل
بحماك خليني صحت بداعت الراحت عالهزل
بجَـلبـاب الحِـزن يحـسين
ملّـتف گلبي مـن صغـري ..
يَبو سكينه انعـمله علـيـك
راهــــن بالـعَـــزه عُـمــري ..
سَـاتـرني بـردائــك دووم
وأنه أمـقـصـر ابــسّـري ..
قـوّي الخدمتك بيه الجـوارح
حاشه اعله غيرك تلگاني رايح
ما توفي جرحك كل هالمدامع
أنـه المقـصـر وانته المـسـامح
========ـ
ماتنمل حروفك عشگ أطهر وجّل من كل وصف
مدللني چي ابجي الجرح معلمني دومك عاللطّف
بغيـرك عساني مـا همت ثـابـت اضل ما اختلف
يحسين لا تـتـرك عبـد يضيع الـذنـوبه وينجـرف
كــل عَــام الجَـرح ينـعـاد
ويـتوضه الـگـلب هـايـم ..
مشتـاگ الگـلـب يـنًـعــاك
ويُهجر كل حچي الوادم ..
علينـه الـراهـن انعـوفـك
بس الخــاسـر الــواهــم ..
رايد وصالك بس هوه كافي
المجلس عزائك ماريد اجافي
كبـرني خيـرك وفضـلك عليه
جا يمته اصحه جا يمته غافي
========ـ
كل الحچي بالمختصر كل الصدگ بس خدمتك
من بين كل هاي البشر شملتنه شـكـراً رحمتك
مخليني ابچي ابمجلسك وبعيوني صارت كسرتك
ابچـيـلك امـضيـع أخـو ابچيلك أنـتـه ابغـربـتـك
المدد مــن أمـك الـزهـراء
تـشد احـزامنـه ابعـاشـور ..
الـواهـس بيـنه للـخـدمه
مــن احـچــاية الـمـأجـًور ..
نــاري اعللمشت للـشــام
وعافت كل أهلهه انحور ..
ضاعن خواتك بنص البـراري
وانته بغـربـتك بالهيمه عاري
هــاي الـمأسي بعيوني ضـلت
وكلش چبيره ابــدلالـي نـاري
========ـ
- خيري الصفراني