Оҥоһуу өйү кытта сахалыы кэпсэтиҥ!"Биики халандаар" тг-ханаал эрэдээктэрэ Халан саха уопсастыбанньыктарын иннигэр турар кэккэ сорукка болҕомто тарта:
1. Сүдү дьоммут Ульяна Винокурова уонна Дабыл олохторо биһигини билиибитин уталыппакка суругунан тарҕатарбытыгар үөрэтэр.
2. Оҥоһуу өй киһи-аймах олоҕор балысханнык киирдэ. Арассыыйа улаханнык хаалан иһэр. Саха тылын ОӨйгө киллэрии бу ыччаппытын бэйэбит сахалыы эйгэбитигэр хаалларыы сүрүн усулуобуйата буолла дии саныыбын. Онон араас ОӨйдөрү кытта нууччалыы буолбакка, сахалыы "кэпсэтэ" сатааҥ. Оччоҕо ол тэрил бэйэтэ да сахатын тылын тупсарыа, разработчиктар да "саха тыла туттуллар эбит" диэн, сайыннарарга кыһаллыахтара.
3. Сахалыы бэчээти уонна сахалыы кинигэни хайаан да солкуобайынан өйөөҥ: сурутуҥ уонна атыылаһыҥ. Бэйэҕит оччо сэргээн аахпат да буоллаххытына бэлэх гынан. Бу сахабыт тылын сүрүн тулааһыннара.
4. Киһи тыл этэригэр сахалыы саҥарыахтаах. Онно сорох истээччи сахалыы билбэтэ туорай буолуон сөп. Маны туоратарга хайаан да мунньахтарга тылбаасчыттары ыҥырар буолуҥ. Аналлаах аудио тэрил да суох буоллаҕына аттыгар олорон ботугураан тылбаастыыр дьонно ыҥырыахха сөп.
Бүтэһигэр, Саввинов Андрей Саввич "ааспыты умуннахха алҕас хатылана турар адьынаттааҕын" эппитигэр сигэнэн, Биики халандаарга сурутарга ыҥырда. Сарсыарда аайы сахаҕа суолталаах былыр бу күн туох буолбутун суруйабыт диэтэ.
Биики Халандаар | Сурут | Ырыт
