Channels

Top 100 Trending New

Categories

Crypto Gaming News Entertainment Music Sports Tech Gambling Bots and mini apps Finance Business Education Lifestyle Health Travel Auto Fashion Jobs Dating Deals and shopping

Stickers

Stickers Emoji Themes Wallpapers

Bots Gifts Tools

Currency

$ USD ₽ RUB € EUR ₴ UAH ₸ KZT ₺ TRY zł PLN ₪ ILS AED AED R$ BRL Rp IDR RM MYR ¥ JPY ₩ KRW CN¥ CNY

Theme

Português (Brasil)

Bahasa Indonesia

Беларуская

Українська

Channels Categories Stickers Bots Gifts Tools

Premium Wiki Glossary Legal

Notifications Settings Log in

Basem Elewa-باسم عليوة: منشور #3743 — TG.ME

Basem Elewa-باسم عليوة@basemelewa · 30K subscribers Open in TelegramOpen

t.me/basemelewa/3743

1

September 3, 2026 1K

More from this channel

أنا مقيم في مصر.. ولقيت منصة على الإنترنت عاملة اشتراك بسعر أرخص بكتير للمقيمين في دولة تانية. فقولت طيب ما أنا ممكن أشغل VPN، أغير الدولة، وأكتب في بيانات الحساب إني مقيم هناك، وآخد السعر المخفض هل ده يجوز؟ المشكلة هنا مش في استخدام الـVPN نفسه، المشكلة إنك ادعيت صفة مش موجودة فيك عشان تاخد ميزة مالية أنت أصلًا مش مستحقها. ورد بمعيار أيوفي الشرعي رقم (38) بشأن التعاملات المالية بالإنترنت: «إذا ثبت حصول التزييف أو التزوير أو الغلط في شخصية أحد العاقدين أو صفة فيه، ثبت للعاقد الآخر الحق في فسخ العقد». يعني لو المنصة بتقول: الخصم ده للمقيمين في دولة معينة، وأنا مش مقيم فيها، لكن غيرت بياناتي وظهرت قدامها كأني مقيم هناك عشان آخد الخصم، فأنا هنا قدمت نفسي بصفة غير حقيقية، والصفة دي مؤثرة أصلًا في السعر والتعاقد. ونفس الفكرة ممكن تحصل في صور كتير: تعمل أكتر من حساب عشان تستفيد أكتر من مرة من عرض مخصص «لمرة واحدة لكل عميل»، أو تظهر كل مرة إنك «عميل جديد» عشان تاخد خصم العملاء الجدد، أو تدعي إنك طالب أو موظف أو من فئة معينة عشان تاخد سعرًا خاصًا بيهم. فالضابط هنا بسيط: مش السؤال: هل عرفت أضحك على السيستم؟ السؤال: هل الصفة اللي خلتني آخد الخصم موجودة فيَّ فعلًا؟ طيب.. ممكن بعضكم يشوف الكلام ده ويقول: يا دكتور ما الموضوع بسيط.. إنت كده بتشدد علينا ،بس أنا هنا مش ببحث عن الأصعب عشان أقوله للناس، أنا برد على سؤال حقيقي من أسئلتكم، وبنقل لكم الحكم من المعايير الشرعية. وفي النهاية إحنا بنتكلم عن مال، والنبي ﷺ يقول: «لا تزول قدما عبد يوم القيامة حتى يُسأل…» وذكر منها: «وعن ماله من أين اكتسبه وفيم أنفقه». يعني حتى الحاجات الصغيرة اللي ممكن نعديها ونقول: «يا عم دي مجرد حركة على الإنترنت».. تفضل في الآخر مالًا اكتسبته، وهتُسأل عنه. ولو أنت مش مقتنع بالرأي اللي نقلته، مفيش مشكلة.. استفتِ من تثق في علمه ودينه. لكن المهم ما تعديش الكلام وخلاص لمجرد إن الحكم مش على هواك. اسأل، وابحث، واستفتِ، وبعد كده اعمل بما تطمئن إليه ديانتك. واكتب لي في التعليقات لو عندك سؤال في المعاملات المالية الخاصة بالتكنولوجيا عمومًا اشتراكات، تطبيقات، ألعاب، أكواد خصم، محافظ إلكترونية، ذكاء اصطناعي.. أو أي معاملة جديدة قابلتك. يمكن سؤالك يكون البوست الجاي. #باسم_عليوة #شريعة_أوديت #فقه_المعاملات #المعاملات_المالية 399·Sep 5 بعضكم علّق على البوست اللي فات الخاص باخراج الزكاة في شكل منافع وقال: أنا مش مقتنع إن طبيب يعمل عملية لمريض فقير أو مركز الأشعة يعمل له أشعة مجانًا، وبعدين يحسب قيمة الخدمة دي من زكاته. والاعتراض مفهوم؛ لأن المشهور عندنا إن الزكاة «نقود أو أعيان» تخرج من ملك المزكي وتدخل في ملك المستحق. لكن خليني أوضح حاجة الأول: دي مسألة معاصرة اجتهادية، وليست مسألة محسومة بنص قاطع، والفقهاء المعاصرون اختلفوا فيها فعلًا. المسألة عُرضت في الندوة الثامنة عشرة لقضايا الزكاة المعاصرة تحت عنوان صريح: «دفع المنافع في الزكاة». يعني مثلًا: طبيب عليه زكاة، فجاءه مريض فقير لا يملك تكلفة العملية، فيجري له العملية ويحتسب هذه الخدمة من زكاته. أو صاحب عقار يُسكن أسرة مستحقة للزكاة ويحتسب منفعة السكن من زكاته. والندوة ذكرت في المسألة رأيين: الرأي الأول: الجواز. يعني يجوز لأصحاب المهن تقديم خدماتهم للمستحقين واحتسابها من الزكاة. وحجة هذا الاتجاه أن المنفعة نفسها مال متقوَّم شرعًا؛ فالطبيب يبيع منفعة الكشف والعلاج، وصاحب العقار يبيع منفعة السكن بالإجارة. فإذا كان الفقير محتاجًا لهذه المنفعة فعلًا، فقد وصلت إليه منفعة مالية وسُدت بها حاجة معتبرة. الرأي الثاني: المنع. وده له وجه قوي جدًا أيضًا، وأهم إشكالاته: أين التمليك؟ لأن من شروط الزكاة عند الفقهاء في مصارف معينة أن يملك المستحق الزكاة. فلو أعطيته 1000 جنيه ملكها، ولو اشتريت له شيئًا وملكته له تحقق التمليك. لكن لو الأشعة عندي بـ1000 جنيه وقلت له: «هعملهالك مجانًا وأحسبها من زكاتي»، هو لم يملك الـ1000 جنيه أصلًا؛ وإنما انتفع بالخدمة. وده تحديدًا محل الخلاف. طيب أنا ليه أخدت بالجواز في البوست السابق؟ لسببين: الأول: إن المنفعة لها قيمة مالية معتبرة شرعًا، والفقير قد تكون حاجته للعملية أو الأشعة أهم من حاجته للنقد نفسه. والثاني والأهم: إن الندوة بعد عرض الرأيين رجحت الاتجاه الأول بالأغلبية؛ أي جواز تقديم المنافع والخدمات واحتسابها من الزكاة. فأنا لم أنقل المسألة باعتبارها إجماعًا، وإنما أخذت بترجيح الندوة في مسألة اجتهادية معاصرة. فالخلاصة: المسألة خلافية، والمنع له وجه معتبر قائم خصوصًا على اشتراط التمليك، والجواز له وجه معتبر، وهو الذي رجحته الندوة بالأغلبية، وهو الذي أميل إليه. وده أصلًا جمال المسائل الاجتهادية: نفهم مأخذ كل قول وانا دائمًا بحب اخد بالقول الذي رجحته المجامع الفقهية او المعايير الشرعية وفي الزكاة تحديدًا ندوة قضايا الزكاة المعاصرة حيث انها جمعت بين المتخصصين في الفقه ومحاسبة الزكاة فما كان من توفيق فمن الله وما كان من خطأ او سهو او نسيات فمني ومن الشيطان لو لسه عندك سؤال في الزكاة اكتبهوا لي في التعليقات 👇🏻 #باسم_عليوة #شريعة_أوديت #الزكاة #فقه_المعاملات 813·Sep 5 https://youtu.be/cgi4IFI9fIw?si=3IEvFG_RBckXQ5P5 956·Sep 4 «نِعْمَ المالُ الصالحُ للمرءِ الصالحِ» الجملة دي تحديدًا وقفت معاها كتير وأنا بحضّر حلقة عمرو بن العاص رضي الله عنه. وسألت نفسي سؤال: هو ليه النبي ﷺ قال «المال الصالح»؟ ليه ما قالش مثلًا: المال الحلال؟ وهنا بدأت أفكر إن فيه فرق بين الاتنين. المال الحلال أنا بسأل فيه: جبت الفلوس دي منين؟ من تجارة مباحة؟ من شغل؟ من استثمار حلال؟ ولا من ربا أو غش أو رشوة أو غيره؟ لكن «المال الصالح» خلاني أسأل سؤال تاني: هتعمل بالفلوس دي إيه؟ لأن مش كل مال حلال بالضرورة يكون أثره صالح. ممكن واحد يكسب فلوسه من الحلال 100%، وبعد كده يستخدمها في إسراف، أو تفاخر، أو ظلم، أو حاجة تضره وتضر اللي حواليه. فالمال هنا حلال من حيث المصدر.. لكن فين صلاحه وأثره؟ طيب تعالوا نقرأ الحديث بطريقة الاحتمالات : (١) مال فاسد مع رجل صالح. وده معناه ان صلاح الشخص ما يحولش الحرام لحلال، ولا يصلح فساد مصدر المال. (٢)ومال فاسد مع رجل فاسد. ودي أسوأ صورة؛ فساد في المال وفساد في الشخص اللي مالكه. (٣) ومال صالح يقع في إيد إنسان فاسد. حتى الموارد اللي ممكن تعمل خير، ممكن واحد يسيء استخدامها ويحولها لأداة فساد. لكن الصورة الرابعة هي اللي استوقفتني: (٤) «مال صالح + مرء صالح» وهنا النبي ﷺ مدحه وقال : «نِعْمَ المالُ الصالحُ للمرءِ الصالحِ». ويمكن أغلبنا يعرف الحديث ولكن ممكن ما نعرفش هو مين الشخص اللي وصفه النبي ﷺ بهذا الوصف قال ذلك لعمرو بن العاص رضي الله عنه تحديدًا. وهنا بالنسبة لي الموضوع اتحول من مجرد جملة أو حديث بتقرأه.. إلى شخصية تقدر تدرسها . لأن السؤال بقى: إيه اللي عمله عمرو بن العاص بالمال عشان نفهم معنى «المال الصالح»؟ إزاي كسبه؟ وإزاي نمّاه؟ وإزاي وظفه؟ وإزاي انتقل من إدارة تجارته الخاصة إلى إدارة موارد دولة؟ وده اللي حاولنا نتتبعه في الحلقة الجديدة من السيرة الاقتصادية للصحابة. فلو عايز تشوف «نِعْمَ المال الصالح للمرء الصالح» مش بس كحديث بنحفظه، لكن كنموذج اقتصادي عاشه واحد من الصحابة.. شوف حلقة عمرو بن العاص رضي الله عنه على اليوتيوب، واكتب لي بعد ما تشوفها: في رأيك.. إمتى المال الحلال يتحول إلى «مال صالح»؟ #باسم_عليوة #شريعة_أوديت #السيرة_الاقتصادية #عمرو_بن_العاص #الاقتصاد_الإسلامي 920·Sep 4 مبروك للفائز في حلقة بلال بن رباح رضي الله عنه وتم تسليم جائزة حلقة "عثمان بن عفان رضي الله عنه" عملة ذهب حقيقية تحمل لوجو السيرة الاقتصادية. 📌 كل أسبوع حلقة جديدة، سؤال جديد، وفرصة جديدة للفوز 📌 استنوا السيرة الاقتصادية كل جمعة بعد صلاة الجمعة #الجمعة_بعد_صلاة_الجمعة #السيرة_الاقتصادية #باسم_عليوة #الاقتصاد_الإسلامي #شريعة_أوديت #فائز 1.1K·Sep 3

An open web layer over public Telegram — search, stats and channel reading right in your browser, no account, no install.

Not affiliated with Telegram FZ-LLC; all data comes from public sources.

Catalog

Top channels Categories Countries Search

Content

Stickers Emoji Gifts Themes Wallpapers

Help

Tools Wiki Glossary Blockchain Safety Premium Advertisers Advertising

© 2026 TG.ME · G.Media network· Updated 09/05/2026 · v0.2.0 · cd00242

Privacy Terms DMCA & complaints Report a violation

Similar channels

BnSamy62.9K subscribers

فقه الاقتصاد والمال5.6K subscribers

| فقه المالية الإسلامية |10.6K subscribers

CRYPTOHALAL كريبتو حلال107.8K subscribers

المعايير الشرعية | تدريبات وتمرينات4.8K subscribers

معهد المالية الإسلامية14.5K subscribers

فوائد1.3K subscribers

| المالية الإسلامية للمبتدئين | Islamic Finance Beginners2.5K subscribers