حياكم الله جميعًا، طلاب شعبة تسيير واقتصاد، ومرحبًا بكم 🤍
خلونا نتفق على حاجة: بزاف من طلبة تسيير واقتصاد ما يحبوش مادة الرياضيات، وبعضكم ربما يقول:
«ما عنديش قاعدة مليحة، ما نحبش الرياضيات، مستحيل نجيب فيها نقطة مليحة...»
لكن لو نقولك بلي الرياضيات ممكن تكون المادة الفاصلة بين معدل عادي ومعدل ممتاز؟ 🔥
نعم، الرياضيات من المواد اللي تقدر ترفعلك المعدل بشكل كبير، ولذلك ما لازمكش تهمشها.
📚 طيب، كيفاش نقراو الرياضيات؟
أول حاجة: نعطي للمادة حقها.
كيما تخصص وقت للمحاسبة والاقتصاد والقانون، لازم تزيد الرياضيات في برنامجك. ما راح نشوفو المادة من مبدأ «نحبها أو نكرهها»، وإنما من مبدأ: هذه مادة عندها معامل وتقدر ترفع معدلي، إذن لازم نخدم عليها.
وبالنسبة لبرنامج الرياضيات في البكالوريا، راح تلقاو مواضيع مختلفة، منها:
📌 المتتاليات
📌 الدوال العددية
📌 الدالة الأسية
📌 الدالة اللوغاريتمية
📌 الإحصاء
وغيرها من المحاور.
والأهم: ما تخافوش من البرنامج.
مثلًا، لما نبدأو بالدوال العددية، راح نراجعو بعض المكتسبات القبلية ونبني عليها. وإذا فهمت الدوال العددية مليح، راح تلقى الدالة الأسية واللوغاريتمية أسهل بكثير.
يعني نقدروا نخلو الدوال العددية قاعدة نبنيو عليها فهم الدوال الأسية واللوغاريتمية.
والدالة الأسية واللوغاريتمية بالخصوص، كي تفهم القواعد الأساسية وتعرف كيفاش تستعملها، راح تولي التمارين أوضح وأسهل.
🔥 لكن أهم نصيحة:
ما كاش نقطة مليحة في الرياضيات بلا تمارين.
تقرا الدرس؟ ممتاز.
تفهم القاعدة؟ ممتاز.
لكن إذا ما حليتش تمارين، ما راح يتطور مستواك.
وهذا يشبه المحاسبة تمامًا:
تفهم الدرس وحده ما يكفيش، لازم تخدم.
حل تمرين، ثم تمرين آخر، ثم آخر...
في البداية راح تحس بالتمرين صعب، لكن مع الوقت راح تلاحظ أن نفس الأفكار تتكرر، وأن الشيء الذي كان يأخذ منك وقتًا كبيرًا أصبح سهلًا بالنسبة لك.
حتى بعض الأمور مثل القراءة البيانية وقراءة الجداول، ما تحتاجش تعقدها على روحك؛ افهم الفكرة، شاهد شرحًا جيدًا إذا احتجت، وبعدها طبّق وحل تمارين.
🎯 الخلاصة:
اقرأ المادة من البداية بجدية.
خصص لها وقتًا ثابتًا.
افهم الدرس.
راجع القواعد.
ثم تمارين، تمارين، تمارين.
تخيل فقط أنك استطعت الوصول إلى 14 أو 15 أو أكثر في الرياضيات؛ هذه النقطة وحدها قادرة على إحداث فرق حقيقي في معدلك العام. 💪🔥
لذلك لا تقل:
منحبش مادة الرياضيات لانو كي تولي تفهمها تولي تحبها لا اراديا😁
أتمنى تكون وصلتكم الفكرة اللي حبيت نوصلها لكم ❤️
وفي الأخير، دعواتكم لأخي بالرحمة والمغفرة.
اللهم اغفر لي ولوالدي ولمن دخل بيتي مؤمنًا.
سلام الله عليكم، دمتم في رعاية الله وحفظه 🤍
وشارِكوا المنشور، فالدال على الخير كفاعله
https://t.me/bac2026gestion
