"مُـهـم تـظـبـط الـ Homepage"
واحدة من الأهداف اللي تستحق تشتغل عليها أسبوع كامل
إنك تظبط ال homepage بتاعتك في معظم ال applications اللي بتستخدمها
تطويع ال algorithms (الآلية اللي بتستخدمها ال applications في إقتراح عليك محتوى يشدك) لخدمة أهدافك وشحن طاقتك وتطوير نفسك ذهنياً وثقافياً والحفاظ على سلامك النفسي هي واحدة من أكتر الحاجات اللي هتشكر نفسك عليها بعد كام سنة من دلوقتي
خطوات عملية سريعة :
١- ادخل اكتب في search اليوتيوب أو غيره الكلمات اللي تحب يقترح عليك فيديوهات ومحتوى ليها (كلمات في مجالك وكلمات بشكل عام في مواضيع مهتم بيها أو بتفيدك لما بتتفرج عليها)
والتمرين ده هتعمله على فترات في أي application بتستخدمه
ومش لازم تتفرج ولا تقرأ حاجة دلوقتي .. مجرد ال search بس اللي عملته هيظبط ال algorithms والاقتراحات اللي هتوصلك لصالحك
٢- قاوم فضولك لو سمحت وفكّر في أي فيديو هيقع قدامك صدفة إنك لو فتحته حتى لثواني يبقى بوظت اللي عملته في الخطوة الأولى وال algorithms هترجع تشتغل ضدك تاني وهتقترح عليك حاجات كتير شبهه
٣- بلاش تكتفي بعدم المشاهدة بس وخليك إيجابي أكتر واضغط على ال ٣ نقط اللي فوق جنب عنوان الفيديو هتلاقي اختيار “show less” اضغط عليه علشان يوصله إنك مش عايز اقتراحات قريبة من دي تاني
٤- قنوات كتير مفيدة بتحب تتفرج عليها وناس كتير بتستفيد منهم فعلاً وبيفرقوا معاك إيجابي لكن لا بتعملهم subscribe ولا follow وبتستنى يظهروا قدامك صدفة !
اللي تلاقيه بيفرق معاك بشكل إيجابي كده تعمله follow و subscribe وsee first وتفعل الجرس كمان .. احنا محتاجين كل ده يظهر معانا في الأول مستني إيه ؟!
٥- والعكس
قنوات كتير وجروبات وصفحات وناس انت عاملها follow ومش فاكر ده حصل ازاي وامتى وكل ما يظهر حاجة لمحتواهم قدامك يبقى سلبي أو تافه ومشتت بالنسبالك وبرده سايبهم عندك عادي !
كل ده تدخل تعمله unfollow و unlike و leave علشان تدي فرصة لحاجات عدلة تظهر قدامك !
٦- لو مش هتعرف تعمل كل ده
يبقى رجاءًا اعمل أكونت جديد جنب الاكونت بتاعك ويكون الهدف منه بس ان ال homepage بتاعته تبقى على مزاجك فعلاً وتفرق معاك بشكل إيجابي
خطوات بسيطة لكن هتفرق معاك كتير
⤶ أثـر طـيـب || #سلسلة_التغيير .
