"ڪمان خمس دقايق"
"فيديو كمان" "بوست كمان" "حلقة كمان في المسلسل" "دور كمان في اللعبة"
مش دي بتكون الجملة اللي بتضحك بيها على عقلك وهو بيقولك "ما كفاية كده" وبتعشمه ان واحدة كمان مش هيجرى حاجة وهقفل بعدها .. والواحدة تبقى عشرة والخمس دقايق يبقوا ٣ ساعات ؟!
طب ما تستخدم نفس الجملة دي في الحاجات اللي وراك ومطلوبة منك برده
"صفحة كمان" "سؤال كمان" "درس كمان" تمرين كمان"
ما التريكاية دي شغاله في الحاجات المفيدة برده والله !
والخمس دقايق هيبقوا ساعة برده !
أصل طريقة "٥ دقايق كمان" مش مرتبطة بالهلس بس زي ما انت فاكر ! دي طريقة هتعرف تضحك بيها على دماغك طول الوقت بغض النظر عن طبيعة المهمة اللي بتقنعها بيها
هي فكرة الخمس دقايق مغرية للدماغ إنها تمشي معاك في أي حاجة
ف زي ما بتضيع بيها ساعات هلس
استغلها كمان إنها تدخلك في موود إنجاز
⤶ أثـر طـيـب || #سلسلة_التغيير .
