إطمَئِن (@aseer1144) — Telegram — TG.ME

إطمَئِن (@aseer1144) — Telegram — TG.ME

كثير ناس ما يصلون الوتر، ولا الضحى، ولا السنن الرواتب، حتى سنة الفجر كثير تاركينها. والقرآن ما يفتحونه إلا نادر

طيب أنتم عارفين ليش انخلقنا؟ عارفين إنكم قاعدين تبتعدون عن الشيء اللي يغذي أرواحكم؟

قبل لا تنامون، اسألوا أنفسكم: وش قدمتوا لآخرتكم اليوم؟ إذا انتهى هذا اليوم وما كتب الله لك تعيش بكرة، وش أكثر شيء بتتمنى إنك سويته؟

يا جماعة، الوتر ركعة وحدة، ما تاخذ من وقتك ربع ساعة. والقرآن، لو آية اليوم وآية بكرة، المهم لا تهجره

وأذكار الصباح والمساء كثير ما يقولونها، وحتى ذكر الله صار قليل، مع إنك لو حركت فمك بالتسبيح والتحميد والتهليل دقائق، تكسب أجورًا عظيمة.

وإذا كنت تقول: ما عندي وقت، راجع كم ساعة راحت اليوم على الجوال، يمكن بتعرف إن المشكلة ما كانت بالوقت

فيه أعمال بسيطة جدًا، لكن أجرها عند الله كبير. ابحثوا عنها، وإذا مالكم خلق، اسألوني وأنزل لكم أحاديث عن أعمال يسيرة وأجرها عظيم

ترى كل واحد فينا بيسأل عن عمره فيما أفناه، وعن شبابه فيما أبلاه. فلا يمر عليك يوم إلا وفيه شيء تلقى الله به

والله إني أقول هالكلام من محبتي لكم، لا تضيعون أعماركم. الدنيا تمشي بسرعة أكثر مما نتخيل، وكل يوم يمر ما يرجع

لا تخلون الشيطان يقنعكم إن الطاعة صعبة، اصعب شيء هو الندم إذا فات الأوان.

وصدقوني، إذا اهتميتوا بالشيء اللي انخلقتوا عشانه، بتكسبون دنياكم وآخرتكم، وما فيه أحد خسر لأنه تقرب من الله