ပြင်းထန်ဝမ်းပျက်ဝမ်းလျောရောဂါ 🚨
ရာသီဥတုအပြောင်းအလဲနှင့် ပတ်ဝန်းကျင်ဆိုင်ရာ အကျိုးသက်ရောက်မှုများကြောင့် ယခုအတောအတွင်း ကာလဝမ်းရောဂါ ဖြစ်ပွါးမှုနှုန်း များပြားလာနေတာကိုတွေ့ရှိရပါတယ်။
ကာလဝမ်းရောဂါဟာ သန့်ရှင်းမှုမရှိတဲ့ ရေ သို့မဟုတ် အစားအစာကနေတဆင့် ကူးစက်တတ်ပြီး၊ ကုသမှု အချိန်မီမရရင် နာရီပိုင်းအတွင်းမှာပဲ အသက်အန္တရာယ်ရှိနိုင်တဲ့ ပြင်းထန်တဲ့ ရောဂါတစ်မျိုးဖြစ်ပါတယ်❗️ ဒါကြောင့် မိမိရဲ့မိသားစုနဲ့ အိမ်နီးချင်းတွေအတွက် ဘေးကင်းအောင် သိထားသင့်တဲ့ အချက်တွေကို အောက်မှာ ပြန်လည်စုစည်းပေးလိုက်ပါတယ်။
ဘယ်လိုလက္ခဏာတွေကို သတိထားသင့်သလဲ?
🔴 ရေလို ဝမ်းသွားခြင်းကို ရုတ်တရက် အကြိမ်များစွာ ဖြစ်ခြင်း
🔴 ပျို့အန်ခြင်း နှင့် ခန္ဓာကိုယ်ရေဓာတ် ကုန်ခမ်းလာခြင်း
🔴 ခြေလက်များအေးစက်၍ ခွန်အားကုန်ခမ်းခြင်း
(တချို့ကူးစက်ခံရသူများမှာ ရောဂါလက္ခဏာမပေါ်ဘဲ ပိုးသယ်ဆောင်နေနိုင်တဲ့အတွက် အမြဲသတိထားဖို့ လိုပါတယ်❗️)
လက္ခာများကိုစတင်တွေ့ရှိပြီဆိုပါက-
⚪️ ဝမ်းစပြီးချင်း ORS ဓာတ်ဆားရည်ကို ရေသန့်နှင့်ဖျော်ပြီး ချက်ချင်းသောက်ပါ
⚪️ ငါးနှစ်အောက်ကလေးများအတွက် ဇင့် (Zinc) ဖြည့်စွက်ဆေးကို ထပ်တိုက်ကျွေးပါ
⚪️ ခန္ဓာကိုယ်ရေဓာတ် ပြင်းထန်စွာ ခမ်းခြောက်နေရင် အနီးစပ်ဆုံး ဆေးရုံ (သို့မဟုတ်) ဆေးခန်းသို့ ချက်ချင်းသွား၍ အကြောဆေးရည်သွင်းပြီး ကုသမှုကိုခံယူပါ
အဆိုပါရောဂါမျိုးမဖြစ်ရလေအောင် ကာကွယ်နိုင်ဖို့အတွက် အောက်ပါအခြေခံအချက် 5 ချက်ကိုလိုက်နာကျင့်သုံးပါနိုင်ပါတယ်။
1.မိမိအိမ်တွင် တွင်းရေ ကိုသောက်သုံးရေအဖြစ်အသုံးပြုပါက အနည်းဆုံး တစ်မိနစ် ဆူအောင်ကျိုပြီးမှ သောက်ပါ
2.အစားအစာ မပြင်ဆင်မှီ နှင့် မစားမှီ တို့တွင် လက်ကို ဆပ်ပြာဖြင့် စနစ်တကျဆေးကြောပါ
3.အစားအစာများကို ချက်ပြုတ်ပြီး ပူပူနွေးနွေး စားသုံးပါ
4.အစားအစာများကို ယင် နှင့် အခြားအကောင်များ မနားနိုင်အောင် အမြဲဖုံးအုပ်ထားပါ
5.အိမ်သာကို စနစ်တကျသုံးခြင်း နှင့် အိမ်သာတက်ပြီးတိုင်း လက်ကိုဆပ်ပြာဖြင့်သန့်ဆင်အောင်ဆေးပြီး ပတ်ဝန်းကျင်သန့်ရှင်းရေးကို အထူးဂရုစိုက်ပါ။
ဖြစ်ပေါ်နေသောရောဂါအကြောင်းအရာများနှင့်ပတ်သက်၍ ကျန်းမာရေးဆိုင်ရာ အသိပညာတွေကို မိမိရဲ့ မိသားစုနဲ့ အိမ်နီးချင်းများအထိမျှဝေပေးခြင်းအားဖြင့် လူတိုင်းဘေးကင်းလုံခြုံပါစေ🤍
❖────────────────
Learn More About ESSENCE
W̲e̲b̲s̲i̲t̲e̲
www.essenceinfo.org
F̲a̲c̲e̲b̲o̲o̲k̲
https://www.facebook.com/share/1F1wt6gGV1
T̲e̲l̲e̲g̲r̲a̲m̲
https://t.me/Essence_Org
T̲i̲k̲T̲o̲k̲
https://www.tiktok.com/@essence.organizat?_r=1&_t=ZS-96UZ0M8yj00
#essence_org #EasternShan #CholeraAwareness #healthandwellness
