ازيكم عاملين ايه؛
انهاردة حسيت إني وحش جداً ، مش عشان غلطت في حد من صحابي او زعقت مع اهلي فالبيت ، حسيت اني وحش بجد ، متعود لما بحس اني مضايق بدخل الاتشانل اقلب فيها ( مش عارف في حد هنا مهتم باللي موجود فيها ولا لا ، بس انا بعتبرها المكان إللي بحط فيه الحاجات إللي بتعجبني و بقول فيه الكلام اللي بحسه ) بس المرة دي لما جربت اهون علي حالي كان حزني و كرهي لنفسي بيزيد ، كنت حاسس ان المسافة بين الكلام إللي بقوله و المعايير إللي كنت بحترمها، و بين افعالي او بعض افعالي ، مسافة كبيرة جداً ، و ده إللي خلاني احس اني إنسان مش كويس ، بل و حتي الاحساس ده كنت متغافل عنه او جايز مكنتش مُدرك به لأنه مكنش بيأذيني علي قد ما ممكن يأذيني ناس تاني .
حاسس اني مش هقدر ابقي موجود هنا او اني اشارك حاجة او اقول حاجة تاني انا حاسس انها هتخليني اكره نفسي اكتر رغم اني ممكن اكون حاسسها فعلاً، مش عارف هاخد قد ايه عشان اسامح نفسي و اتعافي من الفجوة إللي سببتها لنفسي، و لو في حد حصله أذي بسببي ف انا كمان اتأذيت و بسببي .
ربنا يطمن قلوبكم و قلوبنا
