( نخوه بجاه الإمام العسكري )
نخوه نخوه يا إمامي العسكري
--------------------
أنت يا مولاي رحمه واسعه
او مُعتقد عندي دعائي تسمعه
بيك أتوسل او أطلب بالدعه
او على گبرك أنا شابح ناظري
--------------------
على بابك جيت او ذبّيت الحمل
و اللّي يتعنّاك حاشى ينخذل
أنتخي باسمك او دمعاتي تهل
ابجاه جدّك اللّي ساكن بالغري
--------------------
ياللّي بابك منفتح للسائلين
و بالشدد أنت ملاذ المؤمنين
طلبه بالعبّاس و ابجاه الحسين
أرفع الچفّين و المدمع جري
--------------------
اعليك أقسم و آنه ألطم عالصدر
بالعقيله عمّتك أمّ الخدر
بيدك امسح على گلبي المنكسر
و اگضي الحاجات و اجبر خاطري
--------------------
أنت باب الله العظيم او حجّته
او أنت نور العلي او مظهر قدرته
ما يخيب الگصد ليك ابطلبته
يالوسيله إلي ابماضي او حاضري
--------------------
يوم الأربعاء : ٧ / ٣ / ١٤٤٦ هـ
الخادم الأقل : حسن البوخضر
https://t.me/alive_100