من فترة وأنا أشتغل على مشروعين، وأعتقد راح يكون إلهم أثر حقيقي بكل رحلة دراسة الطب.
المشروع الأول: سلسلة Emergency Medicineالفكرة مو مجرد ملف أو ملخص…
الفكرة هي مرجع + شرح متكامل لكل موضوع من مواضيع الطوارئ، نبنيه سويّة خطوة بخطوة.
كل أسبوع راح ينزل موضوع أو موضوعين، نشرحهن بصورة مرتبة ومبسطة، بحيث بنهاية السلسلة يصير عدنا مرجع متكامل يغطي أهم مواضيع الـ Emergency في:
🩺 Medicine
🔪 Surgery
🤰 Obstetrics & Gynecology
👶 Pediatrics
هدف السلسلة مو الحفظ فقط، وإنما تخليك تعرف شلون تفكر، شلون تشخص، وشلون تتعامل ويا الحالات الطارئة بصورة علمية ومنظمة.
وما راح نستعجل… راح نمشي بالتدريج حتى كل موضوع ياخذ حقه من الشرح والترتيب، وبالنهاية يكون عدكم محتوى تقدرون ترجعون له بأي وقت، سواء بالدراسة، أو بالكليركشب، أو حتى بعد التخرج.
أما المشروع الثاني…فراح أخليه مفاجأة حالياً.
لكن أگدر أوعدكم بشي واحد…
راح يكون من أكثر المشاريع فائدة لكل طالب طب، خصوصًا طلبة الـBasic، وراح يبقى نافع حتى بعد التخرج.
خلكم قريبين… لأن البداية راح تكون قريبًا جدًا، وإن شاء الله القادم يستحق الانتظار.
