قصيده لسيده زينب عليها السلام
عذبني الوكت بغياب الحباب
اظل متانيه يم عتبة
الباب
🏴🏴🏴🏴🏴🏴
نيشن كل سهامه وصوباني
بگلبي ماخطه سهمه رماني
اخذ احبابي مني ودولباني
واعتب عالدهر مافاد الاعتاب
🏴🏴🏴🏴🏴🏴
اعتب عالدهر مافاد وياه
خلف بالدليل الونه والاه
وكتي بالعكس وياي مشاه
وخله دمع عيني يهل سچاب
🏴🏴🏴🏴🏴🏴
اخذ احبابي كلهم من اديه
وصبحت دارهم منهم خليه
خله دمعتي عالخد جريه
وجوه اهلي واخوتي ضمها لتراب
🏴🏴🏴🏴🏴🏴
راواني الزمن سود اليالي
بس ضيم وحزن منه صفالي
هدم سورنه الي چان عالي
يدي جرح گلبي وابد ماطاب
🏴🏴🏴🏴🏴🏴
جرح گلبي غميج وماشفى دوم
حزني اعله الاحبهم مو سنه ويوم
مالوم الگلب عالمشو ماللوم
على اخواني وابوي وكل الاطياب
🏴🏴🏴🏴🏴🏴
على اخواني وابوي الفارگوني
تبچي ادموم مو دمعه اعيوني
جفاهم طول ماضن يجوني
صوبني زماني ومحسن اصواب
🏴🏴🏴🏴🏴🏴
تمت بعون الله وتوفيقه
✍خادمه ام الحسن
ام مهدي الفرطوسي
لا جيز حذف الاسم
او التلاعب بالكلمات
https://t.me/alikerem
Telegram
قناة الشاعرة خادمة ام الحسن ام مهدي الفرطوسي
القناة خاصه للقصائد الحسينيه
الشاعره ام مهدي الفرطوسيه
من اكتب شعر ماريد جاه وصيت
اريد انه الزچيه ترضه عني
July 8, 2026 1.3K 80
