فزاعي للعليله عليها السلام
عافو الدار وحملو
وبتهم تون حزنانه
خلونهه مهمون وتون
عالمشو غاطيها الحزن
سهرانه ماتغمض جفن
من تعب هلكانه
///////////////////////////
بالدار عافوهه ومشو
صوب المنيه غربو
وبيها اضن ماحسبو
ابوها حسين واخوانه
////////////////////////////
منتظره من عدهم خبر
بالباب تگعد تنتظر
ملت وكالتها القهر
تگضي الليل سهرانه
/////////////////////////////
اظلم البيت اعليها
من عافها واليها
وماواحد يمر بيها
توحش عليها اركانه
/////////////////////////////
مالوم من عدهه الگلب
واعيونهه تصد عالدرب
افراگ الولي كلش صعب
لحگو على الوجعانه
/////////////////////////////
مهمومه بتك يالولي
وتگول عافوني هلي
يمته يجي الاكبر علي
بتكم بقت حيرانه
//////////////////////////////
ياهلي اذاني البُعد
ماردلي اگليبي مرد
للباب كلساعه اصد
من المرض تعبانه
//////////////////////////////
تمت بفضل الله وتوفيقه
✍ خادمه ام الحسن
ام مهدي الفرطوسي
لا جيز حذف الاسم شرعا اوتلاعب بالكلمات
https://t.me/alikerem
Telegram
قناة الشاعرة خادمة ام الحسن ام مهدي الفرطوسي
القناة خاصه للقصائد الحسينيه
الشاعره ام مهدي الفرطوسيه
من اكتب شعر ماريد جاه وصيت
اريد انه الزچيه ترضه عني
June 1, 2026 2.1K 54
