هل مره الضعف يالزهره للمـوت
غطيني وعلي ايحضّرلي تابـوت
يريحانت زمانـــــــي
كسائي انتي اليمانـي
،،،،،،،،،
غطيني يالزهره بجفـــــــن
موش بكساء غطينـــــــــي
صح بنتي لاچن بيچ احس
مثل امي التبارينـــــــــــــي
گالتله فاطم بالدمــــــــــــع
لاتمشي وتخلينــــــــــــــــي
وگللها انتي اول بشــــــــــر
من عيلتي اتلحگينـــــــــــي
گعدت يم ابوها وتجري الدمـــوع
وضل يوجع محمد كسر الضلــوع
القدومچ ابقه اتانــي
يريحانت زمانـــــــي
،،،،،،،،،
لوذي بعلي يافاطمــــــــــه
هذا الكلف بالشــــــــــــــده
بضل سيفه دين الله انتچه
وشدْ الرساله بزنـــــــــــــده
الكاسرني ابن عمي علــــــي
باچر يضل الوحـــــــــــــــده
واهل السقيفه لو غبــــــــــت
ايصيرون كلهم ضــــــــــــده
المحير العساكر وسفه يحتـــــــار
ويعصرونچ يزهره بعتبت الـــــدار
المعاناتچ اعانـــــــي
يريحانت زمانـــــــي
،،،،،،،،،،
الغار النبوه بدمعتــــــچ
كل مغرب اتعنيلــــــــــه
واخذي الحسين وزينبچ
واخذي الحسن ومشيله
وقرايه سوّي عله النبــي
يافاطمه بكل ليلــــــــــه
وحيدر علي وياكم يجي
وگوه الجدام اتشيلــــــــه
يبعد عيون ابوچ وگلبه والروح
على فراگچ محمد يبقه مذبوح
الأجل عنچ خذانـي
يريحانت زمانـــــي
،،،،،،،،،،
نور الله ابوچ وماكو شــك
وحيدر علي مرايتنــــــــــه
ومصباحي ابن عمي اليضل
من نسله كل سادتنـــــــــــه
والشجره انتي المُثمِـــــــــرهَ
يافاطمه الغذتنـــــــــــــــــــه
من چف علي الچف الحسن
لاخر فرج رايتنــــــــــــــــــه
بعدد ذيچ الانامل عند الحسين
بتسع ايات ينصر ابنچ الديــــــن
بأابو سكينه الامانـي
يريحانت زمانـــــــي
،،،،،،،،،
دمعچ عزيز ولايهـــل
يامن فديتچ بنتــــــي
بالدنيه ماعندي ابــــد
يام الحسن بس انتـي
قباض الارواح اعتنـــه
رخصيله يافاطمتـــــي
وگليله خل يدخل علي
ياروح ابوچ شگلتـــــي
ملك الموت يبچي ودمعه سچاب
رخصيله وفتحي الضيفنه الــباب
القبض روحي اعتناني
يريحانت زمانــــــــــي
،،،،،،،،،
لخادم الحسين ع
محمد الفهداوي