شلون أترك الغيبة وأتخلّص منها؟ 💛
أوّل شي، لازم تكون عدنه رغبة حقيقية نغيّر بيها نفسنه، لأن إذا ماكو جدّ وإصرار ما راح نترك هالعاده. وهاي أهم النقاط الي تساعدنه:
1- أوّل ما نتذكّر إنو الغيبة بيها عذاب وعقاب شديد. أمير المؤمنين (عليه السلام) گال: أبغض الخلائق إلى الله المغتاب يعني أبغض الناس على الله هو الي يغتاب، فشكد الموضوع خطير.
2- تصوّر إذا الحچي الي حچيته عن فلان وصل إله، شراح يصير؟ مشاكل، قطيعة، ويمكن عداوة. فالأحسن الواحد يگطعها من أصلها.
3- أكثر أسباب الغيبة تطلع من غضب، حسد، استهزاء، أو حقد وإذا سيطرنا على هاي المشاعر، راح نقلل الغيبة بشكل كبير.
4- إذا صار واغتبت شخص، إمّا تروح تعتذر من عنده، أو أقل شي تدعيله وتستغفرله. لأن إذا ما سويت هالشي، كل حسناتك تروح إله! تتقبّل إنو تتعب بالعبادة وبالأخير تنطي حسناتك لغيرك؟ أكيد لا.
وكذلك اخذوا هذا الحديث قاعدة
(حب لأخيك ما تحب لنفسك)
يعني من تريد تحجي كول هذا الكلام لو ينكال عليه اني اقبل لو اتفشل لو اتأذه؟
وراقبوا نفسكم قبل لاتحجون
مو شرط نحجي غيبه.. خلي نسولف بفضائل ال محمد.. خل نذكر شي زين..
كذلك تذكّر بعد، الغيبة تضرّ روحياً: ورد إنو المستغيب ما تُقبل صلاته ولا صيامه أربعين ليلة. شلون يتحمّل الواحد هيچ حرمان؟
أمّا الثواب للي يترك الغيبة، شي عظيم
التزموا المواظبة على ذكر الله والاستعاذة من الشيطان، لأن أكثر ما يجرّنه للغيبة هو وساوسه.
