# بوح القوافي

خمسه ثلاثه عام تسعه وتسعين
اخر هديه عطرها من مهرها
جتني وباقي لعرسها بس يومين
تبغي توادعني وتبغي صورها
وقالت تذكرني على الزين والشين
واذكر سواليف الغرام وسهرها
واذكر لقانا كيف ومناظر العين
واذكر احبك وكيف حبك أسرها
وقالت فمان الله ياغلى المحبين
الله حسيب اللي حياتي دمرها
ياعين كني الدمع بلاش تبكين
صبرك على المقسوم هذا قدرها
حكم الولي ياعين ملزوم تبكين
وسِلم القبيله وابن عمٍ حجرها
ويامرحبا ياضيق حييت واهلين
سلمتك نفسي ولا احدٍ جبرها
سو ماتبي فيني عسى ربي يعين
والله يعين الصدر لامن ذكرها.
قلت أسمعي لو غبتي دهور وسنين
محبتك بالقلب محدن كسرها !
تبقين عندي طيف مهما تغيبين
بالصوره اللي وسط قلبي حفرها.
وان ضاق فيك الكون بالك تناسين
شخصٍ لجل عينك حياته خسرها
وصدت وغطت دمعها بكل اليدين
وانا عيوني غارقه في بحرها 💔 . ㅤׂ

تجمّعنا مساحات الأدب والحزن والقيفان
‏وتربطنا تقاليد العرب .. والشيمه الحيّـه .