Бюгюн Къабарты-Малкъарны халкъ поэти,
Къабарты-Малкъар Республиканы
Къырал саугъасыны лауреаты
Отарланы Керим туугъанлы 114 джыл.
(1912-1974)
Аллах джандетли этсин.
Творчество народного поэта и лауреата Госпремии КБР, участника Великой Отечественной войны Керима Отарова занимает заметное место в истории карачаево-балкарской литературы.
КЪАРТ
Элинде, аты ахшыдан айтылып,
Халкъ бюсюрей эди аны ишине.
Кёчгюнчюлюкде уа •— къалды атылып,
Иши — кючю керек болмай кишиге.
«Туугъан жерсиз къалгъанда да, тёшекде
Нек ёлмезлик эди къарт?» — деп сорурла.
Бирле: «Юй ишлеген балта эшикде
Къалгъанлай»,— деп андан айтхан болурла.
Да ол ичине кирир эди отну,
Бедишликден ол этер болса азат.
Ангылаялмайды. жалан бир затны:
Кимге керекди ол сынагъан азап?
Жашлыгъы партизан жоллада кетди.
Ата журтха чапханда фашист — жауу,
Жангыз жашын хорламгъа къурман этди.
Сора къадарны неди анга дауу?
Аулакъда къарт кетип барады кеси,
Терслиги жокъда ауур азап чеге.
Аны жашы, къабырдан къобуп келсе,
Бир да кечмез эди терсликчилеге.
1945 Отарланы Керим
