ХУДЪОЙ НУР (Нури Худованд) (Шеър ба забони рӯшонӣ-хуфӣ) Эй Нури Ҳақ… — Аҷиб Ҷамол - эъҷодиёт — TG.ME

ХУДЪОЙ НУР
(Нури Худованд)
(Шеър ба забони рӯшонӣ-хуфӣ)

Эй Нури Ҳақ, бӣ тавъ навуҷ тоқа йи лаҳза ям замин,
Аз тавъ ҳидоят дойимасъ рухъной маш пондат парин.

Дунёти тавъ Нур аз азал, вуҷ хур ҷинӯ фуквахт пал,
Дусасъги бӣ пардъа ца лум «тӯт аввалат тӯт охирин.»

Тавъ меҳр ар инсон дил ца дъайт, инсонта ҳақ маънай врайт,
Охирта савд инсон халос аз ҷаҳлат аз шайтон камин.

Ам худъмат ам бӣхудъмайанд, ам мастай ам ухъёрайанд,
Фук ҳолатандат ар му дил, Ё аш-шафеъ-ал-муъминин.

Сад шукр Ё Парвардигор, асрор сут мурд охъкор,
Байтулхаёландум ца сут ҳар субҳидам тавъ ҳамнихъин.

Одам фирихъта савд агар тавъ маърифат азбар ца кихът,
Арцонд агар мис офарид аз сит ца суҷ ям одамин.

Чухътум ху ботин цам қатай тар тавху баъдум дарк чуг,
Аъмат ту соҳибваҳй вуҷ, аъмат ту вуҷ Руҳ-ул-амин.

Бодъум ху вахтат бахт чуг! Эй Нур, тавъ ҷойум авуг,
Съивъ то қиёмат ар му дил! Омиин, Рабб-ил-оламин.

Ҳамчун Аҷиб арчай ди туйд аймон қатай аз тавъ зибо,
Ҳатманта явъ дидор кихът ай Нури Ҳақ дай тавъ ҷабин.

Аҷиб Ҷамол

Луғатен:
1.Байтулхаёл - ибодати хоси аҳли ботин.
2.Аш-шафеъ-ул-муъминин- ба маънои шафоъаткунандаи мӯъминон.
3.Хур - офтоб, хуршед.
3. Съивъ- ба маънои бисӯз ва ё дурахшанда бош.


Telegram: https://t.me/AjibJamol