Pilot bosqichdan rivojlanish sari
O‘tgan yil O‘zbekiston Milliy pedagogika universitetidagi transformatsiya jarayonining pilot bosqichini boshlagan edik. O‘sha paytda yangi tizimda ishlash uchun qariyb 16 nafar professor-o‘qituvchini ishga olgandik. Bitta Pedagogika oliy maktabi — Aniq fanlar oliy maktabi bilan yangi yondashuvlarni sinovdan o‘tkazdik, yangi akademik tizimni shakllantirishni boshladik va kelgusidagi o‘zgarishlar uchun poydevor yaratdik.
Bu yil esa transformatsiyaning ko‘lamini kengaytirish bosqichiga qadam qo‘ymoqdamiz. Bu o’quv yilidan esa 40 nafardan ortiq professor-o‘qituvchi faoliyat yuritmoqda hamda uchta Pedagogika oliy maktabi — Aniq fanlar, Tabiiy fanlar, Maktabgacha va boshlang‘ich ta’lim oliy maktablari faoliyatini boshladi.
Bugun Professor-o‘qituvchilar uchun orientation o‘tkazib, o‘quv yiliga tayyorgarlik, maqsad va vazifalar, ustuvor yo‘nalishlar haqida va ularni transformatsiya strategiyasi atrofida birlashtirdik.
Bu yil — ko‘lamni kengaytiramiz va tizim yaratamiz.
