اخو لوصاح لخته ايهلن عيونه
هم شفتي اخو قدمهن امتونه
الخوه المامثلها ارد اسميها
.........
فداها خال ابنها وارخص بعمره
ولايوم اعتذر منها ولا مره
يخجل لوتريد تكول واتامره
ويكلها طلبتج عالراس اخليها
..........
هم شفتي اخو يوزع بذرعانه
اخذو جف اديه وخل ارد انه
ماريد الجفوف الاخت عطشانه
بروحه عمت ابنه النفل شاريها
من كتاب المآسي العلويه الجزء الثامن
✍ام زينب كربلاء غير مبري الذمه من ياخذ الكلام وينسبه له او يحذف الاسم
https://telegram.me/um_zainab_kar telgram
فزاعيه للعباس عن لسان حال زينب ع تنقره بكل الاوقات من كتاب المآسي الفاطمية الجزء السابع
كون يشتم الهوي ماعالت العياله
ذاك اخوي الصكر الخياله
.........
كون ترجع للكفيل اجفوفه
يفز من النومه اليعيل اشوفه
لوشاف زينب بالحبل مجتوفه
يفز والبيرغ يرد شياله
(لويكعد شيوصلك لينه)
......
ريت للبيرغ يرد اعضيدنه
وذاك وكتي بالكفيل ايعيدنه
جان ماحطيت حبلك بادينه
تدري بالمهيوب فوك ارماله
(شلون انردهن جفينه)
...........
لوزماني ايعود ذيج خواني
جان سوطك ماوصل ذرعاني
تايهه تدري الدهر خلاني
حيد اخوي اتخاف من خياله
(تتمرجل جي نامت عينه)
..........
كون يرجع للكفيل اذراعه
ويحضر العباس هاي الساعه
زين تدري بالسبع واطباعه
لوكعد ساعه وايشوف اعياله
(الحر مايغفه عله العيله)
...........
منين اجيبه النام فوك اثرها
نخت اخته وماسمع نخواها
مادره بشمر النذل سباها
وراس اخوها لضعن يبراله
(ما يدري بزينب هضموها)
✍ام زينب كربلاء غير مبري الذمه من ياخذ الكلام وينسبه له او يحذف الاسم
https://telegram.me/um_zainab_kar telgram
فزاعيه بدايتها نعي لسبي
نعي
صاح الشمر وانه سمعته
واصواب صابتني جلمته
العباس نايم جتفو اخيته
من هاي ابوفاضل عتبته
نزلت الفزاعيه
يعباس الاخت ودتلك اعتاب
سبيه اواكفه بديوان الاجناب
ودتلك عتب واتجر بالونين
سبيه واكفه بنص الدواوين
مهظومه العزيزه وتهمل العين
مر عله الكلفلني ياهوه الهاب
.............
كله اختك تطلبك دين وتريد
خذوها ياحنين المجلس ايزيد
تعبانه وكتلها درب البعيد
نحيله والدليل مصوب صواب
.............
مصيوب الكلب مابيه ونات
وتكتل يخوتي رفجت الشمات
كوم بساع يالتكضي الكلافات
يخويه والزلم من اسمك اتهاب
...........
تعال واشوف حال اختك يمهوب
زينب وين كعدت وكت الغروب
ياراعي المحنه عليك معتوب
اختك حشمت ردلها الاجواب
...........
ودتلك عتب وادموع وياه
واتكول العتب وياك محلاه
عدوك والضعن لاوين وداه
صوب الشام حمل كل الاحباب
✍ام زينب كربلاء غير مبري الذمه من ياخذ الكلام وينسبه له او يحذف الاسم
https://telegram.me/um_zainab_kar telgram
نخو لبوفاضل العباس ع
ازامط بيك مازامط بالخوان
هله بنومس اخته ومات عطشان
-------
اريدن فزعتك يالبيك غيره
وزامط بيك يابدر العشيره
وهمومي يبوفاضل جثيره
وتدريه الاخو من الاخت عجزان
-------
ادري ابغيرتك وادري بفعلهه
روحي انته العشيره وانته اهلهه
همومي اعله الفحل اشمر حملهه
كل ضيم اليمرني بفزعتك هان
--------
يعباس ونعم منك وكدها
المهظومه النختك ماتدرتها
اتزامط بيك ياعزه وسندها
يابدر العشيره وكمر عدنان
--------
كفو ونعمين من صيتك يعباس
الك وكفات يالسموك فراس
بسمك زامطت يارفعت الراس
نخيتك والدمع بالعين جروان
--------
هله بعبا س ياراعي الكفاله
عجيد الكوم واتنومس بجاله
وانه ابيتي اوديلك رساله
واكلك خادمك هاليوم حيران
-- ----
غيور وشاع بين الناس صيته
خصوصن لو بزينب حلفيته
تدخن كبته وتدوي ثنيته
براهين الفزعته موش برهان
✍ام زينب كربلاء غير مبري الذمه من ياخذ الكلام وينسبه له او يحذف الاسم
https://telegram.me/um_zainab_kar telgram
: غيرة العباس ع على اخته زينب ع
من كتاب الخاص بالنعي الجزء الرابع من المآسي الفاطميه
تقول الروايه ..خرجت السيدة زينب عليها السلام ذات مرة لزيارة قبر جدها النبي الاعظم محمد بن عبد الله صلى الله عليه واله وسلم وكما تعلمون ان المسافة بين بيت امير المؤمنين وقبر النبي صلى الله عليه واله واله لايتجاوز الامتار لانه ملاصق للقبر الشريف ولكنها عندما خرجت خرج الامام علي امامها والامام الحسن عليه السلام عن يمينها والامام الحسين عن شمالها والعباس من خلفها
يقول الراوي واعجب مارايت اني رأيت العباس يسير خلف زينب عليها السلام ويمسح بقدمه الأثر الذي تخلفه قدم زينب على الارض الرمليه فقلت له بعد فتره يا ابالفضل اني رايتك مرة تمسح اثر قدم زينب عليه السلام
فقال العباس اسمع اني اكره ان يرى الناس أثار قدم زينب على الارض
Telegram
الشاعرة ام زينب كربلاء
هذه القناة مختصة بنشر شعر الشاعرة
الموجة لآل بيت النبوة عليهم السلام 💎
______ من لم يحفظ معلومات القصيده ______
______ غير برئ الذمة امام الله تعالى ________
http://telegram.me/um_zainab_kar
August 3, 2021 13.6K 343
