لطمية للأمام العباس ع غيرة بالعباس سبع الگنطرة مثلة ما ولدت ولا جابت… — ابو الفضل العباس ع فزاعيات — TG.ME

ابابو الفضل العباس ع فزاعيات@abaaseeee · 885 subscribersOpen in TelegramOpen

Forwarded fromDEDeleted Account

لطمية للأمام العباس ع

غيرة بالعباس سبع الگنطرة
مثلة ما ولدت ولا جابت مرة
---------------------------------------
غيرة بالعباس ما موجودة
تنتقل من النبي لمعبودة
ذرة وانشدت عليه بزنودة
هاي ذرة غيرة مو كلها ترة
-------------------------------------
اشحال لو كلها اشتسوي اچفوفة
چان يطبگ كربلة اعلة الكوفة
وچان خلة الماي تبچي اجروفة
وچا بصبعة الجيش كلة ايعبرة
---------------------------------------
شنهي يا نسوان جابت هالولد
وتدري للعباس ما يرهم مهد
ما يفيد اگماط شتگمط بعد
اتگمط العباس ياهي التگدرة
----------------------------------------
والله محسودة المرة اللي جابتك
يالترجف اچفوفها من شالتك
انتة ابو الغيرة تگول وعرفتك
يا ابن ام البنين الطاهرة
-----------------------------------------
صورة ما تتكرر ابطول العمر
يا گمر يطلع بعد مثلك گمر
انتة صح مرمي طحت يم النهر
لكن بغيرة طحت فوگ الثرة
------------------------------------------
انتة صح عباس بس كلك حسين
من الزغر منذور يبن ام البنين
نذرت ايسارك يعباس ويمين
وانتة من زغرك كفيل امخدرة
--------------------------------------------
للشاعر
محمد الحسني

t.me/abaaseeee/13

August 3, 2022 22K 433