الشاعرة ام زينب كربلاء:
الشاعرة ام زينب كربلاء:
نخوه لبوفاضل ع
زينب عالكفلها اليوم امشيها
اريدن حاجتي العباس يكضيها
بزينب وبخدرها ارد احلفنه
هذا المايرد كصاد التعنه
راعي الجود اخوها وطالبه منه
حلفته بزينب يكضيها
هذا ابن الوفيه والكرم ساسه
محد يوصل الهاالغيره البراسه
ياصاحب امروه الاخر انفاسه
اليوم اتوسل بالغيره
يعباس او كفتك مانسيناها
نكول دخيل عندك لوذكرناها
والحاجات من جفك طلبنها
يالجفك معروف بجوده
معروفه الامروه وانته راعيها
عليك بغيرتك واتوسلت بيها
المهظومه النختك ماتخليها
الغيرة براسك معروفه
.......
عليك بداعت الحملت حيرانه
اريدن حاجتي هاليوم خلصانه
اريد ابشارتي من هبت ذرعانه
اتنخت بيك المهظومه
نخيتك يامشكر واسمع الشكوه
واعرفنك سبع تطرب عالنخوه
مجرب بالشدايد يابو المروه
الضيم ابابك ذبيته
✍ام زينب كربلاء غير مبري الذمه من يأخذى الكلام وينسبه كلام او يحذف الاسم
https://telegram.me/um_zainab_kar telgram
فزاعيه بدايتها نعي لخوة العباس ع
بلسان ابوفاضل جلمة الخوه
ثوب امفصله وعالسبع حلوه
جذب محد لفظها عكب ابو النخوه
نزلت الفزاعيه
جلمت الخويه لايكه الراعيها
تلوك للعباس من يحجيها
...........
جلمت الخويه لويمر طرواها
بس اخو زينب عرف معناها
كول وفعل عباس لو كالاها
حلوه خوتهم واسولف بيها
...........
هذا اخوها المايصح امثاله
جان هيبه وللحمل شياله
اصار بيها من غفه عالرماله
جم نذل بعده يصيح عليها
............
هذا اخوهاوخنه نحجي بزوده
الخاطر الخوه شمرها ازنوده
اخو زينب من وفه بعهوده
خوته بدم ركبته شاريها
............
شره الخوه ومااضن تعوضينه
حك يزينب بالحزن تنعينه
ضحة بجفوفه السبع تدرينه
موش كلمن كالها ايوافيها
.............
مكابل ويحله الاخو ميدانه
كلنه وي زينب ندك عوانه
تريد عونه عالهوت ذرعانه
الفاكده طول الاخو عينيها
✍ام زينب كربلاء غير مبري الذمه من يأخذ الكلام وينسبه له اويحذف الإسم
https://telegram.me/um_zainab_kar telgram
فزاعيه لاستقبال زينب ع
نعي
العنده عهد وياج وينه
يشد الحزم واتسيل عينه
وبيرغه كفيلج شايلينه
ويتلكون ضعنج ياحزينه
نزلت الفزاعيه
ابيرغ العباس نتلكاها
انروح فدو الزينب اولياها
........
كومو شدي احزام واتلكوها
والبيارغ للحزن شيلوها
ضلوعكم للمنذبح كسروها
يامصيبه الماجرت ننعاها
..........
حيت الشيعه الج يابت علي
تلطم عالراس والدمع ايهلي
جايه واتصيح ياجمرة هلي
كومو ياشيعه ندك وياها
............
ندك فوك الراس وانعازيها
بالبيارغ والعزه انلاكيها
جايه اتقدم نحر واليها
زينب وحتى العرش ينعاها
...........
والعرش لجلج نشرها اعلامه
شلون ماالطم وادك الهامه
هذه اخوج المعتني بزلامه
وابوفاضل رايته علاها
...........
ابيرغ نهوس لهالي المرجله
بزينب وعباس ياميت هله
والطم والنوح لخوانج حله
مانبطل الون وحك عيناها
✍ام زينب كربلاء غير مبري الذمه من يأخذ الكلام وينسبه له اويحذف الإسم
https://telegram.me/um_zainab_kar telgram
فزاعيه العباس ع عن لسان حال زينب ع
بدايتها نعي
واريد اعاتبك ياصاحب الجود
جفوفك الزندك ردهن اردود
شلون اتنام وانته اليوم مريود
نزلت الفزاعيه
نايم كفيلي النوم مايحلاله
لخيام زينب هدت الخياله
............
عليك عتبي لاتطول النومه
لاتخلي ام الخدر مهظومه
اكعد ورد الخيل ياجيدومه
بيش ازامط والاخو عالارماله
.............
بيش ازامط يكفيل العيله
والحمل عباس ياهو اشيله
عالو عليه ومن يرد العيله
مال الحمل هاليوم ياشياله
.............
شلون نايم ارد اكثر عتابه
والزلم وصلت لحد اطنابه
ضنه ابوفاضل ثجيل اصوابه
مايطيب ولايرد لعياله
............
ارد اندهنه واحلفه بخوته
الخاطري عباس ترجع هدته
ويرد ذاك السيفه وترد يمنته
اكعد يكافل عالت العياله
...........
الكوم وصلت للخيم فزاعه
منين اجيبن كافلي وذراعه
مريود ياعباس هاي الساعه
اسوت يخويه دنيتي المياله
✍ام زينب كربلاء غير مبري الذمه من ياخذ الكلام وينسبه له او يحذف الاسم
https://telegram.me/um_zainab_kar telgram
لطميه الخوة العباس ع
الخوه بس ابوفاضل وفه بيها
حفظ عنوانها وفسر معانيها
..........
تره ماكو اخو ولايحصل امثاله
مهيوبه الاخت وتزامط بجاله
يطرب لونخت والنخوه تحلاله
خوه خوته ومحد وصل ليها
........
جذب محد وصلها ولاتدناها
ولاواحداجه بالكون ساواها
بس عباس وفه وعرف معناها
يتيه العكل منج لو ذكرتيها
احجي بخوته وخلهم يذكرونه
Telegram
الشاعرة ام زينب كربلاء
هذه القناة مختصة بنشر شعر الشاعرة
الموجة لآل بيت النبوة عليهم السلام 💎
______ من لم يحفظ معلومات القصيده ______
______ غير برئ الذمة امام الله تعالى ________
http://telegram.me/um_zainab_kar
August 3, 2021 12.1K 385
