فزاعيه اومربوعه وصية ام البنين ع للعباس ع
ياعباس حط عينك عله ام عون
موش اتنام وعله اختك يعيلون
.................
تراهي بشاربك ياطيب الذات
يراعي الزود يكلك امروات
بحك در الرضعته يبو الهدات
خلي اختك ييمه وسط العيون
..............
حط عينك عليها هنا يمهوب
تراهي مدلله وماتحمل ادورب
تدري يالحنين عليك معتوب
حمل اختك تشيله فوك المتون
..............
بهاي اوصيك بعدالكلب والعين
يبني بشاربك هاي النساوين
امانه بركبتك غاليك حسين
بخيامه و خواته ما يمرون
............
سور اتصير لعضيدك يصنديد
افدي العين يبني واشمر الايد
وشيل الراس يم اختك يالعميد
وجيب الماي ليهم من يعطشون
...........
زينب هاي ماوصيك بيها
وياك اعتاب لوعالو عليها
بيع الروح لختك واشتريها
شيل الراس يبني وكول ممنون
...............
✍أم زينب كربلاء غير مبري الذمه من ياخذ الكلام وينسبه له او يحذف الاسم
https://telegram.me/um_zainab_kar telgram
Forwarded fromالشاعرة ام زينب كربلاء
Telegram
الشاعرة ام زينب كربلاء
هذه القناة مختصة بنشر شعر الشاعرة
الموجة لآل بيت النبوة عليهم السلام 💎
______ من لم يحفظ معلومات القصيده ______
______ غير برئ الذمة امام الله تعالى ________
http://telegram.me/um_zainab_kar
August 2, 2021 8.1K 204
