فزاعيه حول خوة العباس
يل خوتك مامن مثلهه
واختك بعد بل عمر شلهه
وياك كون تموت خلهه
*بعد ويه ابو فاضل شالت الخوه*
*ظل عله النهر ونفلت العشره*
بعد راحت الخوه وراح ماضيهه
يحسين الولي مابين عليهه
لا ينشد عله اخته ولا رجع ليهه
*وحسين عله اخيه منكسر ظهره*
شالت خوته بس مانسيناها
وحد الموت واحنه اريد.طرواها
جا شنهي العذر والكفل خلاها
*صدك طاحن اجفوفه وتيه الحره*
اظن طاحت اجفوفه ومارجع لينه
واحنه بل خيم يرجع متانينه
نمش عله النهر يحسين ودينه
*اريد انده اخيي واكعد ابكتره*
اكله جايه وهمومي اسولفهه
اختك جابعد عينك اشضل عدهه
موش انته الجبتهه وكلت كافلهه
*هسه ابنومتك ظليت بل حسره*
ظليت ابهظم كتله ترد ليه
اخاف تغيرك نومت الظهريه
مكسوره يخويه وحيل مابيه
*تشوف وداعتك مابيه منكسره*
تعبان الجدم من جابني يمه
ظلت بس عباتي وبيهه اغطنه
اخليهه عله اخوي وبيهه الفنه
*واكله وداعتك كلبي دوه جمره*
مامثلك اخو يا والي اخياته
حنين وبل وفه كلهن امجرباته
جا ليش الولي خله عزيزاته
*وهنه بعوز والي ورافكن غربه*
*لخادمة الزهراء العلويه ام جعفر*
غير مبري الذمه من يحذف الاسم وياخذ الكلام وينسبه له القصيده من ديوان طف الزهراء جزء
(٩)
https://telegram.me/am_jafar
Telegram
قصائد العلويه ام جعفر
اسم الكتاب :طف الزهراء -ع -
* يرجى عدم حذف اسم المؤلف
August 1, 2021 8.3K 145
