قصيد

من يزرع المعروف في غير قاعه ‏يحصد محاصيل الحسايف والاوجاع .

‏"عفى الله عنك يا حلم ٍرسمته بالطريق وتـاه ‏وأنا في داخلي فوضى حزن وأوجاع مختلطه"

‏حذراك تعطي صغيرين العقول اهتمام ‏وحذراك تــ عطي خبيثين الطبايع ثقه ..

والله مالحقني من ورا عِرفك حسافه خيرةٍ وسند للسنين المقبله والأوليه .

‏يالله عساني ما اتردى فالبعيد وفالقريب ‏ ابوي ما ورّث لنا غير العلوم الطيّبه .

‏غض عن بعض التفاصيل وتغافل ‏ان بغيت تعيش طيّب .. لا تدقّق .

الليالي علمتنا وصمّينا الدروس ‏نعرف النفس المريضه ونعرف طبّها .

‏عسى الله يجمّلني مع العالم الوافين ‏ربوع السعد والخير والطيب والخوه .

‏أنا طير ماداني حياة عليها قيودّ ‏ولا أحب ذا ينهاني و ذاك يامرني .

‏عن الردي والعيب عديت مشراف ‏ شيٍ تحت رجلي وشيٍ خلافي .

‏ترى وجيه أهل المكارم . . خجولة ‏وأهل الردى عنهم حيا الوجه منزوع .

‏لو جيتني بالطيب واللطف والذوق ‏ تبشر بوجـهٍ سمح ، ما صك بابه ..

‏ان كسبتني كسبت الطيب اللي ماتمله ‏وان عاديتني عاديت اللي ما يهمه بشر ..

‏يصبرني على ثقل الليال إن الأمل ما زال ‏ينسيني شقا النفس ويضوي لي متاهاتي .