*తెలుగు రాష్ట్రాల్లో భారీ వర్షాలు: వాతావరణ శాఖ ఎల్లో అలర్ట్*
ఒడిశా పై ఏర్పడిన ఉపరితల ఆవర్తనం అల్పపీడనంగా మారి ఒడిశా, ఛత్తీస్గఢ్, తెలంగాణ, ఆంధ్రప్రదేశ్ పై ప్రభావం చూపుతోంది. నైరుతి రుతుపవనాలు బలపడటంతో ఆగస్టు 23 నుంచి 26 వరకు తెలుగు రాష్ట్రాల్లో వర్షాలు కురిసేందుకు అనుకూల పరిస్థితులు ఏర్పడ్డాయి. ముఖ్యంగా ఉత్తర తెలంగాణ జిల్లాల్లో ఉరుములు, మెరుపులతో కూడిన మోస్తరు నుంచి భారీ వర్షాలు కురిసే అవకాశం ఉందని వాతావరణ శాఖ ఎల్లో అలర్ట్ జారీ చేసింది. హైదరాబాద్లో పాటు పలు ప్రాంతాల్లో శనివారం రాత్రి నుంచి కుండపోత వర్షం కురిసింది. ఆంధ్రప్రదేశ్లో కోస్తాంధ్ర, ఉత్తరాంధ్ర, రాయలసీమల్లో తేలికపాటి నుంచి మోస్తరు వర్షాలు కురిసే అవకాశం ఉంది.
