𝗠

حيرة وحزن واوچاع.. واگفة ابعيد
مثل الـ مضيع وطن.. وبس جرحه يفيد
هنيالها اللبست الابيض.. ونامت على ايدك
وهنيالك نسيت العشرة.. وما ظنها تعيدك
أنا الظلّيت خلف السور.. والدمعة تواسيني
لا ميتة بفرگاك.. ولا طيفك يخليني

مشتاگلك.. والليل بعدك ما ينام
وعيوني تيهت الدرب من فارگت ضيك
​أصد بوجهك وأحس غصّة ملام وشوگ
يا ريحة هلي.. شغير طبع فيّك؟
​بعيوني دمعة حنين وتنتظر جية
وبگلبي حسرة طفل ما ضاگ حنية
​أجيتك والنبض يركض گبل جدمي
تمنيتك تحس.. وتگلي يا بعدي ويـا سمي 🖤

يا مـلاذ الـروح.. يا خصلة شعـر غـرقانة بالحنّة
بـعـيـونـچ سـوالـف لـيـل.. ما مـرّت عـلى الـظـنّة
​يـا وجـهـچ گـمـر ويـبـات وسـط الـغـيـم
ويـا شـفـافـچ ورد جـوري.. وطـبـعـهـا الـهـيـم
​وشـمـة بـالـرسـغ خـلّـت عـقـلـي يـحـتـار
گـلـب صـغـيـر چـنّـه يـطـفّـي كـل الـنـار
​نـظـرتـچ هـذي لـو غـرق.. لـو نـجـاة ونـور؟
يـا أحـلى مـن الـمـاي.. وأغـلى مـن الـبـلّـور

تيهت وجهي بوجهـك.. وما ميزت ياهو الـ آني
مثل الدخان بصورتك.. ضعت وبنصك لـگاني
تـشـهـگني وي جـگارتك.. وتذبني حـسرة وتـاني
أشـوفـك مـو وجـه واحـد.. أشـوفـك كـل عـمـري الـ مـضى
وكـل وجـه بـيـنا "طـيـف".. ضـايـع بـذاك الـفـضـا
تـدنـيت يـمي بـس بـعـيد.. مـثـل حـلـم مـا يـنـقـبض
غـبـنا بـسـواد الـصـورة.. والـشـوق بـيـنا اعـتـرض.

يا ضحكة عيوني ولهفة سنيني
يا أول عِشِك بيّن على عيني
أبوس جفوفج وأنسى الوجع والخوف
لأن لمسة إيدج هيّ التداويني ♥🫂