የካንሰር ህክምናና ትምህርት ስፔሻሊቲ ፕሮግራም የሥርዓተ ትምህርት ግምገማ ወርክሾፕ ተካሄደ።
፨፨፨፨፨፨፨፨፨፨፨፨፨፨፨፨፨፨፨፨፨፨
በጎንደር ዩኒቨርሲቲ ሕክምናና ጤና ሳይንስ ኮሌጅና አጠቃላይ ስፔሻላይዝድ ሆስፒታል የውስጥ ደዌ ትምህርት ክፍል በካንሰር ሕክምናና ትምህርት (Clinical Oncology) ስፔሻሊቲ ፕሮግራም ለመክፈት የተዘጋጀውን የውስጥ ሥርዓተ ትምህርት ግምገማ ወርክሾፕ ነሐሴ 14/2018 ዓ.ም በሆስፒታሉ ግቢ አካሂዷል።
የወርክሾፑ ዋና ዓላማ "የክሊኒካል ኦንኮሎጂ" ስፔሻሊቲ ፕሮግራም የሥርዓተ ትምህርት ይዘትና አፈጻጸም በተገቢው ደረጃ የተቀመጠ መሆኑን በመገምገም ለቀጣይ ውጫዊ ግምገማ ዝግጁ ለማድረግ ነው።
ፕሮግራሙ በሐገሪቱ ያለውን የካንሰር ሕክምና ፍላጎት በማሟላት ብቁ የጤና ባለሙያዎችን ለማፍራትና የታካሚዎችን የሕክምና አገልግሎት ለማሻሻል ወሳኝ ሚና እንደሚኖረው የህ.ጤ.ሳ.ኮ እና አጠ/ስፔ/ሆስ የጤና ትምህርት ኮርፖሬት ዳይሬክተር አቶ ያደለው ይመር በመክፈቻ ንግግራቸው ገልጸዋል።
የካንሰር ህክምናና ትምህርት (Clinical Oncology) ስፔሻሊቲ ፕሮግራም መከፈት በካንሰር ሕክምና የሰው ኃይል አቅምን ለማሳደግ፣ የታካሚዎችን የሕክምና ተደራሽነትና ጥራት ለማሻሻል እንዲሁም የኮሌጁን የማስተማር፣ የምርምርና የሕክምና አገልግሎት ተልዕኮ ለማጠናከር ጉልህ አስተዋጽኦ የሚያበረክት መሆኑን የህ.ጤ.ሳ.ኮ እና አጠ/ስፔ/ሆስ የጤና ትምህርትና የህክምና አገልግሎት ኮርፖሬት ዳይሬክተር አቶ ደምስ ሙላቱ በመዝጊያ ንግግራቸው ላይ ገልጸዋል፨
፨፨፨፨፨፨፨፨፨፨፨፨፨፨፨፨፨፨፨፨፨፨፨
ለልህቀት እንተጋለን!
የሕዝብና ዓለም አቀፍ ግንኙነት ሥራ አስፈጻሚ
ነሐሴ 15/2018 ዓ.ም
