معلومات جامعية

الأنظمة الدراسية الجامعية في العراق.

🔹الجامعات بالعراق تعتمد على اربع أنظمة دراسية رئيسية .. وكل نظام اله طريقته الخاصة بتوزيع الدرجات والنجاح:

🔻السنوي .
🔻الكورسات .
🔻الموديول .
🔻بولونيا.

♦️النظام السنوي او الفصلي :

🔹هذا النظام يعتبر سهل وواضح من ناحية توزيع الدرجات والامتحانات .. وما بيه تعقيد.
والدرجات تكون موزعة كالتالي:
▪️امتحان الفصل الأول: 10٪.
▪️امتحان نصف السنة: 20٪.
▪️امتحان الفصل الثاني: 10٪.
▪️تقييم الأستاذ (حضور، نشاط، مشاركة): 10٪.

🔸المجموع = 50٪ (سعي سنوي).
🔸الامتحان النهائي (فاينل) = 50٪.

الطالب يعتبر ناجح إذ ا حصل على 50 من 100 فما فوق بالمادة.

⚠️طبعا اكو بعض الجامعات ماعدهم تقييم الأستاذ للطالب و يكون السعي 40٪ و الفاينل 60٪ واكو جامعات يكون تقسم الدرجة كالتالي:

▪️امتحان الفصل الأول: 12.5٪.
▪️امتحان نصف السنة: 25٪.
▪️امتحان الفصل الثاني: 2.5٪.
🔸الامتحان النهائي (فاينل) = 50٪.

♦️نظام الكورسات:

هذا شويه يحتاج جديه من الطالب لأن مو مثل سهولة النظام السنوي بهذا النظام عندك كورسين بالمرحلة الوحدة الكورس الأول تدرس مواد ما تشبه مواد الكورس الثاني او نفس المواد بس مواضيع تختلف عن مواضيع الكورس الأول و كل كورس بيه امتحان نهائي.

فتمتحن كل كورس امتحانين و كالآتي :
-الكورس الأول :
اول امتحان: نصف الكورس 30٪ او 40٪.
ثاني امتحان: نهاية الكورس 70٪ او 60٪.

-الكورس الثاني : كذلك
اول امتحان: نصف الكورس 30٪ او 40٪.
ثاني امتحان: نهاية الكورس 70٪ او 60٪.

لازم تعرفه انو إذا رسبت بمادة الكورس الأول .. راح تمتحنها بالدور الثاني .. لآن احتمال الكورس الثاني يكون بيه مواد مختلفة او نفس المواد بس تكون جديدة.

كذلك .. اذا – لا سمح الله – رسبت بمادة في الكورس الثاني .. تمتحنها ايضاً بالدور الثاني .. فقط بالمادة اللي رسبت بيها. يعني كل كورس يحسب بشكل مستقل .. بس بالدور الثاني يشمل كل المواد اللي رسبت بيها سواء من الكورس الأول أو الثاني..

♦️هسه نجي ع نظام الموديول :

اكثر نظام يحتاج تركيز مكثف و متابعة مستمرة و يتبع فقط في الكليات الطبية ( الطب العام ) موجود ( بغداد ، الكندي ، الكوفة ، واسط ، حمورابي )

هذا النظام يكون كالآتي :
كل مرحلة متكونة من عدة سمسترات .. ممكن يكون 2 او 3.

🔹الـ سمستر الواحد يعتبر بمثابة سنة دراسية مصغّرة داخل نفس المرحلة .. يعني المرحلة الدراسية تنقسم إلى سمستر أول وسمستر ثاني .. وكل واحد إله مواده الخاصة وتقسيم درجاته مستقل ومختلف.

-كل سمستر يتكون من عدة “موديولات” .. والموديول هو عبارة عن وحدة دراسية مستقلة (مثل مادة أو جزء من مادة) .. وتحسب الها درجات منفصلة وتقييم خاص بيها.

يعني كل سمستر = مجموعة مواد + درجات + تقييم خاص النتيجة النهائية تجمع بين السمسترين.

🔹الموديول الواحد هو عبارة عن مجموعة مواد مترابطة .. تمتحنها بامتحان واحد .. في يوم واحد، وبدرجة واحدة.

-الفكرة الأساسية من الموديول هي:
انو تدرس كل هاي المواد مع بعض .. وتكون فاهمها ومضبطها .. لأن الامتحان راح يشمل الكل مرة وحدة .. مو منفصل.

يعني أكثر من مادة = موديول واحد
امتحان واحد يشمل الكل درجة واحدة تنحسب للموديول كامل. حتى بالشرح معقدد..😅

درجة نظام الموديول:
🔷السعي 20٪ يتضمن الحضور النشاط الكوزات سمنرات تتوريلات نهاية الموديول. نهاية السمستر تكون 80٪.

بنهاية المرحلة السادسة تمتحن امتحان شامل بكل مواد المرحلة الرابعة و الخامسة للسادسة.

♦️نظام بولونيا:
نظام “بولونيا” نظام دراسي أوروبي الأصل .. تم اعتماده حديثاً في العراق من قبل وزارة التعليم .. وبدأ تطبيقه تدريجياً ابتداءً من السنة الدراسية 2023-2024 ببعض الكليات والمعاهد.

-توزيع الدرجات في نظام بولونيا:
🔻الامتحان النهائي (الفاينل): 50 درجة.
🔻المد (امتحان وسط الكورس): 10 درجات.
🔻السعي التكويني: 40 درجة (موزعة على كوزات، تقارير، حضور، سمنارات، وتقييم الدكتور).

التقييم التكويني (السعي من 40) : اذا حصل الطالب أقل من 14/40 راح ينمنع من دخول الامتحان النهائي ويعتبر راسب بالكورس الأول وما يحق له يمتحن دور ثاني بهاي الحالة.

بعض المواد اكو مرتبطة (مثل الرياضيات) إذا رسب بالكورس الأول .. ما يحق له يدرسها بالكورس الثاني. الطالب الراسب يعيد المادة كاملة (حضور، واجبات، تقارير، وامتحان جديد). الدرجة بين 45 – 49 بالفاينل للأستاذ هنا هو بكيفه يقرر يطلب من الطالب عرض تقديمي (Presentation) او واجب اضافي واذا أنجزه بنجاح راح ينجح او يخليه يمتحن دور ثاني.
محاولات الدور الثاني:
🔻يحق للطالب اربع محاولات دور ثاني مجانية.
🔻بعدها ينطوا محاولتين إضافيتين بأجور (تدفع للجامعة).
🔻واذا فشل بالمحاولة السادسة يتم فصله نهائياً من الجامعة.

اللي شرحناه هو نبذة عامة عن انظمة الجامعية .. اتمنى تكون وصلتكم الفكرة من هالشرح البسيط والواضح ..