دەرس و عیبرەت مێژوو: لە دروشمی پووچی مۆدێرنەوە بۆ بەرنامەی ڕاستەقینەی ئیسلام
ئەم نسکۆ و پاشەکشەیە، تەنها شوێنهاتێکی سیاسیی ئاسایی نییە، بەڵکو وانەیەکی مێژوویی تاڵ و ڕوونە بۆ سەرجەم گەلی کورد. کاتی ئەوە هاتووە کۆمەڵگەکەن لە خۆی بپرسێت: تا کەی باوەڕ بە دروشمی برەق و بۆش بگرێت؟ ڕووداوەکان سەلماندیان کە ئایدۆلۆژیا هاوردەکراوەکانی وەک عەلمانییەت، دیموکراسیخوازی، مارکسیزم و لیبرالیزم لە کاتی تاقیکردنەوە سەختەکاندا هیچیان پێ نییە جگە لە شکست، پاشەکشە و داڕمانی ئەخلاقی و سیاسی.
گەمەکردن بە چەمکەکانی ئازادی و مافی مرۆڤ بەبێ بنەمایەکی باوەڕیی بەهێز، ئاکامەکەی هەر ئەم خۆبەدەستەوەدان و سەوداکردنەیە بە مافی نەتەوەیەک. ئەم ڕێبازانە نهێنیی مانەوە و سەربەرزییان تێدا نییە، چونکە لەسەر لێواری سست و لێڵ بنیات نراون و لە یەکەم وەرچەرخانی بەرژەوەندییەکاندا پاشگەز دەبنەوە.
ڕێگای ڕاستەقینەی ڕزگاری و دەستەبەرکردنی تەواوی مافە ڕەواکانی گەلی کورد، تەنها لە ڕێگەی هەڵگیرساندنی جیهادێکی سەرتاسەری، ئاوەدانکردنەوەی حکومەتی ئیسلامی، و حوکمکردنی بێشەرتومەرج بە سەروەریی قورئانی پیرۆز دێتە دی. مێژووی ئەم ناوچەیە بە بەڵگەی حاشاهەڵنەگر سەلماندوویەتی کە تەنها خەباتی چەکداریی جیهادی و سەپاندنی شەریعەت دەتوانێت کەرامەت، ئازادی و سەربەستیی ڕاستەقینە بۆ بست بە بستی خاکی کوردستان و گەلەکەی بگەڕێنێتەوە. هەر ڕێگە و ڕێبازێکی تر جگە لە جیهادی پێغەمبەرانە و دامەزراندنی سستەمی ئیسلامی، هیچی تێدا نییە جگە لە درێژەدان بە بازنەی بەتاڵی دروشمبازی، خۆبەدەستەوەدان و خولانەوە لە ناو نسکۆی قووڵتر و تاڵتردا.
9August 31, 2026 240
