دڵ، بۆ ئەوە کراوە کە جێی خۆشەویستی خودای تێدا بکرێتەوە، بەڵام کاتێک… — تَسنـــیـــــم᪣

تَسنـــیـــــم᪣@T4_SN_IM · 341 subscribers Open in TelegramOpen

دڵ، بۆ ئەوە کراوە کە جێی خۆشەویستی خودای تێدا بکرێتەوە، بەڵام کاتێک بەندە جێ بەو خۆشەویستییە تەنگ و لێژ دەکات و بە خۆشەویستی شتە ماددیەکان پڕی دەکاتەوە، ئەوا هەر شتێک بێتە ئەو جێیە، دەبێتە مایەی خەم و خەفەت بۆ بەندە، ئەو شتە دەبێتە ناڕەحەتی بۆ بەندەکە، چونکە هاتووەتە جێیەک کە جێی ئەو نییە.
بۆیە دەبینین کاتێک عاشقێک زیادەڕەوی لە پێگە و سەنای مەعشوقەکەیدا دەکات، پاش گەیشتن پێی و ژیان لەگەڵیدا، خۆشەویستەکەی دەبێتە مایەی بێزاری و ناڕەحەتی بۆی، چونکە ئەو مەعشوقەی شیاوی ئەو سەنا و مەدح و کات بۆ تەرخانکردنە نەبوو.
ئیمامی شافعیش دەڵێت "وەسفکردنی هەر کەسێک زیاد لەو وەسفەی کە شیاویەتی، بەهێندەی ئەو زیادەیە ئەو کەسە دەبێتە مایەی خەفەت بۆی"، ئەم وتەیەی ئیمامی شافعیش دەرخەری هەموو ئەو کێشە و گرفتانەیە کە ڕۆژانە ڕوومان تێدەکەن.